ЭКОНОМИКАЛЫҚ
сын есім. Экономикаға қатысты, экономикаға тән. Экономикалық аймақ. экономикалық. Аумақтық судан тысқары орналасқан және оған іргелес жатқан теңіз ауданы. Экономикалық ақпарат. экономикалық. Материалдық игіліктерді өндірудің, бөлудің, айырбастаудың және тұтынудың қоғамдық үдерістері туралы ақпарат. Экономикалық әлеует. экономикалық. Қоғамдық өндірісті дамыту, шығарылатын өнімнің көлемін ұлғайтып, сапасын жақсарту, күрделі құрылысты еселей түсу және жүктерді экономикалық тұрғыда тиімді ауқымда тасымалдау, халыққа қызмет көрсету үшін қажетті құралдар мен жағдайлардың жиынтығы. Экономикалық бағдар. экономикалық. Елдің экономикалық жағынан дамуының белгілi бір нәтижелерге жету мақсатымен жоспарланған бағыты. Экономикалық базис. экономикалық. Адамдардың арасында тарихи тұрғыда қалыптасқан, осы базиске сай келетін қондырманы – саяси, құқықтық және басқа қатынастардың, қоғамдық сананың мекемелері мен алуан түрлі нысандарының жиынтығын айқындайтын өндірістік қатынастардың жиынтығы. Экономикалық байланыс. Қандай да бірелдер немесе ұйымдар, әлеуметтікәкімшілік аймақтар арасындағы сауда, өндіріс, тауар алмасуға негізделіп, белгілi бір құқықтық ережелермен реттеліп отыратын қатынас. Экономикалық билік. экономикалық. Жеке адамның ықпал жасауына негізделген билік. Экономикалық болжау. экономикалық. Экономиканың өзгеруі туралы белгіленген себептіксалдарлық байланыстар мен заңдылықтар жүйесіне негізделіп, ғылыми тұрғыдағы топшылауларды әзірлеу үдерісі. Экономикалық білім беру. экономикалық. Оқушының еңбекті қажетсінуін, еңбексүйгіштігін, қоғамдық еңбектегі белсенділігін, саналы еңбек тәр тібін және басқа да моральдық сапаларын қалыптастыру мақсатында берілетін білім. Экономикалық волюнтаризм. экономикалық. Шаруашылық практикада, экономикалық проблемаларды шешуде объективтік жағдайлар мен ғылыми негізделген ұсыныстарды, нақты мүмкіндіктерді мансұқ етіп, белден басушылық. Экономикалық география. географиялық. Жалпы және аймақтық экономикалық, сондай-ақ тұрғындар географиясы мен халық шаруашылығының басты салаларын (өнеркәсіп, ауыл шаруашылық; көлік және тағы басқа.) қамтитын жердің экономикалық байлығын зерттейтін география. Экономикалық ғылымдар. экономикалық. Қоғамның экономикалық жайкүйі мен дамуының объективті заңдылықтарын зерделеумен, шаруашылық өмір құбылыстарын статистикалық өңдеумен және теориялық жүйелеумен, материалдық игіліктерді өндіру, бөлу, тұтыну және оларды айырбастау саласында практикалық ұсыныстарды әзірлеумен айналысатын ғылымдар жүйесі (кешені). Экономикалық дағдарыс. экономикалық. Дағдарысты, тоқырауды, жандануды және өрлеуді дәйекті түрде қамтитын ұдайы өндірістік цикл кезеңдерінің бірі. Экономикалық даму. экономикалық. Экономикалық тұрғыдан халық шаруашылығының түрлі салаларының ілгерілеуі, көрсеткіштерінің, жағдайының жақсара түсуі. Экономикалық даму үлгісi. экономикалық. Әртүрлi сыртқы және iшкi түрткi жайттарға, географиялық тарихи, саяси т.б. жайттарға байланысты қалыптасқан елдің экономикасының қалыптасу, жетілуінің өзіндік белгілерi бар нұсқасы. Экономикалық жағдаят. экономикалық. Тауарға (өнімге, бұйымға, қызметтерге, басқа да құндылықтарға) сұраным мен ұсынымның белгілі бір арақатынасымен, бағаның деңгейімен, инвестициялық, кәсіпкерлік белсенділікпен, бағалы қағаздар бағамымен, депозит пен несие бойынша пайыздық мөлшерлемемен, тауардың босалқы қорларының болуымен, басқа да көрсеткіштермен сипатталатын нарықта әрбір сәтте қалыптасқан экономикалық ахуал. Экономикалық жауапкершілік. экономикалық. Субъектінің өзіне қабылдаған міндеттемелері бойынша жауап беруге, шарттарды орындауға, заңдарды сақтауға, бөгде меншікке келтірілген зиянның орнын толтыруға т.б. міндеттілігі. Экономикалық жүйе. экономикалық. Экономикалық өнімді өндіру, бөлу, айырбастау, тұтыну барысында туындайтын негізгі экономикалық қатынастардың нысаны мен мазмұнын айқындайтын қағидаттардың, ережелердің заң жүзінде баянды етілген нормалардың тарихи тұрғыда пайда болған немесе белгіленген, елде жұмыс істеп тұрған жиынтығы. Экономикалық жікшілдік. экономикалық. Аймақтық (республикалық) экономиканы оішаулау саясаты. Экономикалық заңдар. экономикалық. Тәжірибе, практикалық қызмет негізінде белгіленген, ғылыми зерттеулер жолымен анықталған экономикалық құбылыстар, үдерістер. Экономикалық зиян. экономикалық. Табиғат игіліктерін пайдаланушыларды (жекеменшік иесін, тұтынушыны, табиғат қорларын жалға алушыларды) материалдық құндылықтарынан, мүліктерінен айыратын, жұмсаған шығынын қайтара алмайтын, алдын ала ниет еткен табыстарға қол жеткізуге мүмкіндік бермейтін, қоршаған ортаға әсер ететін зиян. Экономикалық интеграция. экономикалық. Өзара экономиялық қарымқатынастарда, сондай-ақ үшінші бір елдермен қатынастарда келісілген саясат жүргізу мақсатымен мемлекетаралық экономикалық одақтардың құрылуы. Экономикалық кибернетика. экономикалық. Кибернетика идеялары мен әдістерін экономикалық құбылыстарды зерделеуге және экономикалық үдерістерді басқаруға қолданумен айналысатын ғылыми бағыт. Экономикалық конъюнктура. экономикалық. Әлемдік шаруашылықтың, ел, аймақ шаруашылығының, тауарлар рыногының белгілі бір кезеңдері жағдайын бейнелейтін көрсет кіштердің жиынтығын сипаттайтын уақытша ахуал. Экономикалық көрсеткіштер. экономикалық. Экономикалық үдерістер мен құбылыстардың, олардың даму заңдылықтары мен тенденцияларының сандық сипаттамасы үшін пайдаланылатын абсолютті және салыстырмалы шама. Экономикалық қатынас. экономикалық. Халықаралық сауда, жұмыс күшінің көшіқоны, капитал әкетілімі мен халықаралық несие, халықаралық валюталық қатынастар, халықаралық ғылыми-техникалық және өндірістік ынтымақтастық. Экономикалық қауіпсіздік. экономикалық. Тұрақты экономикалық өсу, қоғамдық қажеттердің тиімді түрде қанағаттандырылуы, басқарудың жоғары сапасы, экономикалық мүдделердің ұлттық және халықаралық деңгейлерде қорғалуы қамтамасыз етілетін экономиканың жайкүйі. Экономикалық қоғамдастық. Экономикалық мүдделерінің ортақтығы негізінде құрылған қауымдастық. Экономикалық мүдде. экономикалық. Адамдардың шаруашылық қызметіне түрткі болатын себептер. Экономикалық нәтиже. экономикалық. Техникалық, шаруашылық немесе өзге де міндеттерді шешу тиімділігінің нақты нәтижесі. Экономикалық нормативтер. экономикалық. Халық шаруашылығында экономикалық қатынастарды реттеу үшін қолданылатын және өндіріс шығындары мен нәтижелеріне, олардың бөлінуі мен пайдаланылуына қойылатын тиісті талаптарды білдіретін абсолюттік немесе салыстырмалы шама. Экономикалық психология. экономикалық. Адам дардың әлеуметтік топтар мен жіктердің экономикалық өмір шындығын қабылдауына және экономикалық мінезқұлыққа елеулі ықпал ететін өзіндік психологиялық ұстанымдары. Экономикалық ресурстар. экономикалық. Өндірісті қамтамасыз ету көздері, құралдары деген мағынаны білдіретін іргелі экономикалық теория ұғымы. Экономикалық реттегіштер. экономикалық. Қоғамдық өндіріске қатысушыларға мүдделер тетігі арқылы жанама әсер ететін экономикалық тұтқалар – баға, салықтар, банк пайыздары, санкциялар т.б. Экономикалық реформалар. экономикалық. Шаруашылықты жүргізу, экономикалық басқару жүйесіндегі, экономикалық саясатты іске асырудың жолдары мен әдістеріндегі терең жаңғыртулар. Экономикалық санкциялар. экономикалық. Қаржышаруашылық қызметінде бұрмалаушылыққа жол берген, сол арқылы өзінің серіктестеріне және мемлекетке зиян келтірген кәсіпорындар (ұйымдарға) қолданылатын күштеп ықпал жасау шаралары. Экономикалық саясат. экономикалық. Елдің мақсаттарына, міндеттеріне, мүдделеріне сәйкес экономикалық үдерістерге белгілі бір бағыт беретін мемлекет, үкімет жүргізетін ісқимылдар; экономиканы басқару саласындағы шаралар жүйесі. Экономикалық сот. заң. Экономика, қаржы дауларын қарап, шешім шығаратын заң орны. Экономикалық статистика. экономикалық. Экономикалық құбылыстардың дамуындағы сандық заңдылықтарды олардың сапалық мазмұнымен тығыз байланыста сипаттайтын деректерді жинаумен, өңдеумен, талдаумен және таратумен (жариялаумен) айналысатын экономикалық білімдер мен статистика бөлімі. Экономикалық стратегия. экономикалық. Үкіметтің, аймақтар әкімшіліктерінің, кәсіпорындар, фирмалар басшыларының өндіріс, бюджеттің кірістері мен шығыстары, салықтар, күрделі жұмсалымдар, баға, әлеуметтік қорғау мәселелері бойынша ұзақ мерзімді принциптік нұсқаулары, жоспарлары, ниеттері. Экономикалық талдау. экономикалық. Экономика дамуының жайкүйі мен процестерін оның түрлі құрылымдары бойынша бағалау. Экономикалық тәрбие. экономикалық. Оқушыларға жоспарлау, қаржыландыру, еңбек өнімдерін есептеу мен бөлу тәжірибесін үйрету. Экономикалық теория. экономикалық. Экономикалық құбылыстар мен процестер туралы, шаруашылықтың жұмыс істеуі туралы, экономикалық қатынастар туралы, бір жағынан, логикаға, тарихи тәжірибеге, екінші жағынан, экономистғалымдардың теориялық тұжырымдамаларына негізделген теориялық түсініктер. Экономикалық тиімділік. экономикалық. Экономикалық қызметтің, экономикалық бағдарламалар мен шаралардың нәтижелілігі. Экономикалық топшылау. экономикалық. Жеке адамдардың және институттардың өздерінің ісқимылдарының салдары болуы мүмкін тиімділіктер мен шығындарды есептеуге негізделген ұтымды немесе нысаналы шешімдер қабылдау қабілеті. Экономикалық тренинг. экономикалық. Басқару әрекеттері тиімділігінің бағалау есептерін жүргізу ге мүмкіндік беретін компьютерлендірілген іскерлік ойын. Экономикалық цикл. экономикалық. Нарықтық экономиканың бір дағдарыстан екінші дағдарысқа жылжу кезеңі. Экономикалық элита. экономикалық. Халық шаруашылығының экономика саласындағы таңдаулы өкілдері, бетке тұтарлары.