ГЕОГРАФИЯЛЫҚ
сын есім. География пәніне, ғылымына тән, соған қатысты. Географиялық алаң. географиялық. Мектеп маңындa физикалық географиядан бақылау жұмыстарын жүргізетін алаң. Географиялық атлас. географиялық. Географиялық карталардың біртұтас жүйелi жинағы. Географиялық ашулар. Жаңа жерлер, адам баспаған тың географиялық нысандардың арнайы анықталып, iздестіріліп табылу әрекетi. Географиялық белдем. географиялық. Географиялық белдеулер аймағында бірбірін заңды түрде алмастырып отыратын құрлықтар өңіріне тән табиғи белдемдер. Географиялық белдемше. географиялық. Мұхиттан құрлық iшіне қарай алыстай түсуіне немесе сол жердің ендігіне қарай белгіленген, жергіліктi ерекшеліктерi анық байқалатын географиялық белдем бөлігi. Географиялық бойлық. географиялық. Негізгi (астрономиялық және геодезиялық) географиялық координаттардың бірi. Географиялық ендік. Жер бетіндегi белгілi бір пункттің экватордан қашықтығы. Географиялық ендік. географиялық. Жер бетіндегі белгілі бір нүктенің экватордан қашықтығы. Географиялық зоналар. географиялық. Географиялық аймақтар (жылылық пен ылғалдықтың арақатынасына байланысты географиялық белдеулер ішінде бір-біріне заңды түрде ауысып отыратын әртүрлі табиғи ландшафт аймағы). Географиялық карта. географиялық. Қабылданған шартты белгілер арқылы берілген жер бетінің жазықтықтағы кішірейтілген бейнесі. Географиялық координаттар. географиялық. Жер бетіндегi кез келген нүктенің экватор мен Гринвич меридианына қатысты орнын анықтайтын бұрыштық шамалар жүйесi. Географиялық қабық. географиялық. Жер қабығынан, атмосфераның төменгi бөліктерінен тропосфера мен стратосфераның бөлігінен, гидросферадан, өсімдік пен топырақ жамылғысынан, жануарлар дүниесінен тұратын жер шарының кешендік қабығы. Географиялық орта. географиялық. Адамды қоршаған табиғат, қоғамдық өмірдің қажеттi әрi тұрақты шарты, географиялық қабықтың бір бөлігi. Географиялық орын. Белгілi бір пункттің немесе объектінің басқа пунктке, территорияға немесе объектіге қатысты орны. Географиялық полюс. географиялық. Географиялық ұйық. Географиялық термин. лингвистикалық. Белгілi бір географиялық объектінi және географиялық ұғымдарды білдіретін сөз. Географиялық фактор. географиялық. Аумақтың ландшафтық қасиеттерінің табиғи немесе табиғиантропогендік әрекеттерден біртіндеп, кейде шұғыл өзгеруi.