НАРЫҚТЫҚ
сын есім. Нарыққа тән, нарыққа сай. Нарықтық ақпарат. экономикалық. Нарықтарды таныпбілу, белгілі бір басқарушылық шешімдер қабылдау үшін қажетті нарықтық қатынастардың барлық қырларын (ұсыным мен сұранымды, жағдаятты, бәсекені, бағаны, т.б.) көрсететін істің мәнжайы туралы мәліметтер, хабарламалар. Нарықтық баға. экономикалық. Тауар, қызмет немесе өнімнің нарық белгілеген бағасы. Нарықтық инфрақұрылым. экономикалық. Тауарлар мен көрсетілетін қызметтердің рыноктағы қозғалысын қамтамасыз ететін ұйымдар мен мекемелер жүйесі. Нарықтық қатынас. экономикалық. Тауар өндірушілерге тәуелсіздік, толық дербестік, тауарлардың бағасын еркін белгілеу, тұтынушылар мен жеткізушілерді еркін таңдау, тауарды өткізу бәсекелестігі тән экономикалық қатынас. Нарықтық құн. экономикалық. а) Тауардың, бағалы қағаздардың, валютаның ағымдағы бағасы; сондай-ақ олардың сатып алынуы немесе сатылуы мүмкін баға деңгейі; ә) Негізгі құралжабдықтың (кәсіпорындардың, жабдықтардың) құны. Нарықтық экономика. экономикалық. Еркін кәсіпкерлік, өндіріс құралжабдығына меншік нысандарының көптігі, нарықтық баға белгілеу, шаруашылық жүргізуші субъектілер арасындағы шарттық қатынастар, мемлекеттің шаруашылық қызметке шектеулі түрде араласуы қағидаттарына негізделген экономика.