НЕСИЕ
[ араб тілі. ] зат есім. 1. Кейінірек қайтару келісімімен ауысатын ақшалай-заттай алысберіс; борыш, қарыз. 2. экономикалық. Бір тұлғаның екінші тұлғаға қарыз түрінде ақша немесе тауарматериалдық құндылықтар беруі жөніндегі мәміле. 3. ауыспалы мағына. Қайтарылуға тиіс, қайтарымы болатын іс, сұрауы бар жақсылық, өтемі болатын бақытты шақ. Несие алу. Өсімімен және белгілі бір мерзімде қайтарып беретін болып қарыз алу. Несие капиталы. экономикалық. Жеке немесе заңды тұлғаларға қайтарылу шартымен және несие пайызы түріндегі төлемақыға берілетін ақшалай нысандағы капитал. Несие кооперативі. Құрамына енген мүшелерін несиелендіру және олардың ақшалай қаражатын жинап, сақтау үшін құрылған ұйым Несие құны. экономикалық. Қарызгердің несиені пайдаланғаны үшін несиегерге төлейтін сомасы. Несиені қамсыздандыру. экономикалық. а) Борышқордың несиеге алған қаражатты уақытылы толық қайтаруына және оның тиісті пайызды төлеуіне несиегер үшін кепіл болып табылатын тауарматериалдық құндылықтар мен өндіріс шығыны. ә) Өмірді сақтандыру полистері не банк несиесін қамтамасыз ету кепілі ретінде берілетін акциялар түріндегі қамсыздандыру нысаны. Несие мөлшері. экономикалық. а) Ақшалай ресурстардың валютаға сәйкес көлемі. ә) Белгілі бір шарттар бойынша, белгілі мерзімге берілетін қарыз көлемі. Несие нысандары. экономикалық. Несие қоры қозғалысының нақты көріністері. Несие пайызы. экономикалық. Несиегер (капиталдың меншіктенушісі) қарызгерден (борышқордан) белгілі бір кезең ішінде ақшалай төлемақы (ақшалай несиені пайдаланғаны үшін қойылатын баға). Несие рыногы. экономикалық. Түрлі төлем құралдарына сұраным мен ұсыным болатын рынок. Несие шарты. экономикалық. Несиегер мен қарызгердің арасындағы несие мөлшері мен оны беру талаптары, несиелік қатынастар субъектілерінің құқықтары мен міндеттері айқындалатын шарт.