ЖҰМЫС
зат есім. 1. Жеке адамның не көпшіліктің белгілі мақсатта еткен еңбегі, әрекеті. 2. қс, шаруа, жай. 3. физикалық. Күштің сан шамасы мен бағытына және оның түсу нүктесінің орын ауыстыруына тәуелді күш әсерінің өлшемі. Жұмыс адамы. Жұмыс істеуші еңбеккер. Жұмыс аптасы. Күнтізбелік апта ішіндегі еңбек ету мерзімінің өлшемі, бір аптадағы жұмыс және демалыс күндерінің санын белгілейтін жұмыс уақыты. Жұмыс басы. Жұмыстың қайнаған ортасы, негізгi жұмыс күшi шоғырланған жер. Жұмыс беруші. Жұмыс күшін жалдаушы. Жұмыс емес. Түк емес, қиын емес. Жұмыс картасы. әскери сөз. Шартты тактикалық белгілермен және түсіндірме жазулармен графикалық түрде соғыс қимылдарының жағдайлары түсірілген топографиялық карта. Жұмыс киімі. Жұмысқа киетін арнайы киім. Жұмыс көлемі. Бір жұмыскер орындайтын түрлі операциялардың саны және олардың қайталануы. Жұмыс күні. Жұмыс істейтін күн, еңбек күні; қызметкерлердің кәсіпорында бір тәулік ішінде еңбек ететін мерзімі. Жұмыс күші. Еңбекке жарамды жастағы, экономикалық тұрғыда белсенді халық. Жұмысқа алымды. жергілікті сөз. Еңбекшіл, іскер. Жұмысқа аяқтай бару. жергілікті сөз. Жұмысқа жаяу бару. Жұмысқа кірдi. Қызметке тұрды, жұмысқа орналасты. Жұмысқа қойғызды. Жұмысқа орналастырды, тұрғызды. Жұмысқа [ шаруаға ] қолы бармады. Жалқауланып, бойкүйездендi. Жұмысқа [ іске ] қосты. Бір нәрсені жұмыс істетті, пайдалануға берді. Жұмысқа қырлы болды. Еңбек істеуге, жұмыс істеп еңбектенуге бейім, ыңғайлы болды. Жұмысқа салды. Аямай жұмсады, жекті. Жұмысқа түсті. жергілікті сөз. Жұмысқа кірді, жұмысқа тұрды. Жұмысқа шықты. Жұмыс істей бастады. Жұмыс қолы. Жұмыс істеуші, еңбеккер. Жұмыс орны. Жұмыс істеушінің (жұмыс істеушілер тобының) өндірістік міндеттерін орындауына бейімделген орын. Жұмыс орнын аттестаттау. Өндірістік орта мен еңбек процесінің барлық факторларын, қызметкерлердің еңбек қызметі барысында денсаулығы мен еңбек ету қабілетіне әсер ететін ілеспе әлеуметтікэкономикалық факторларды кешенді түрде бағалау. Жұмыс орнын жарақтандыру. Жұмыс орнын негізгі және көмекші жабдықпен, технологиялық және ұйымдық жарақтармен қамтамасыз ету. Жұмыс орнын ұйымдастыру. Жұмыс орнын еңбек құралдарымен және заттармен жарақтандыру және оларды белгілі бір тәртіппен орналастыру шараларының жүйесі. Жұмыс өтілі. әлеум. Қызметкердің еңбек еткен және басқа қоғамдық пайдалы қызмет атқарған уақыттың жиынтығы. Жұмыспен қамтылу. Елдегі еңбекке қабілетті тұрғындардың жұмыспен қамтамасыз етілу көрсеткіші. Жұмыс стажы. Жұмыс өтілі. Жұмысты апат қылу. жергілікті сөз. Жұмысты бітіру, аяқтау. Жұмысты басынан асыру. жергілікті сөз. Жұмысты салақ істеу. Жұмыс уақыты. Қызметкер (жұмысшы немесе қызметші) кәсіпорынның (фирманың, мекеменің, ұйымның) ішкі тәртібінің ережелеріне сәйкес жұмыс орнында болуға және еңбек міндеттерін орындауға тиіс күнтізбелік мерзім, қызметкердің еңбек процесіне қатысу ұзақтығының өлшемі. Жұмыс үзу. жергілікті сөз. Жұмыстан қалу. Жұмысүстелі. информатикалық. Әртүрлі объектілер орналасатын Windоws операциялық жүйесі экраны. Жұмысы басынан асады. Жұмысы өте көп. Жұмысы тынбады. Жұмысы өнбеді, бітпеді, аяқтай алмады. Жұмысың болмасын. экспрессивті. Тиіспе, тиме; жайыңа жүр.