СЫРТҚЫ
сын есім. 1. Өзінен тыс; іші емес. 2. Сырт жақтағы; бөтен, бөгде. 3. Шетелдік, халықаралық. 4. Айнала, қоршаған. Сыртқы белгі. Көрініп тұрған, басы ашық өзгешеліктер. Сыртқы берешек. қаржы термині. Мемлекеттің шетел банктері мен басқа да қаржы мекемелеріне қарыз бен несие алуына байланысты туындайтын берешегі. Сыртқы борыш. қаржы термині. Халықаралық мемлекеттік несие алғанда пайда болатын мемлекеттік борыш түрi. Сыртқы драйвер. информатикалық. Компьютердің стандартты құрылғыларынан тыс ерекшеліктерін басқаратын бағдарлама. Сыртқы дүние. Айнала, қоршаған орта. Сыртқы жалтылдақ. Көзбояушылық. Сыртқы интерфейс. информатикалық. ішкі жүйенің сыртқы объектілермен (пайдаланушымен, есептеу желісімен) әрекеттестігінің құралдары мен ережелері. Сыртқы қарыз. экономикалық. Халықаралық несиенің негізгі нысаны; шетелдік кредиторлардан алынған немесе шетелдік қарыз алушыға берілген қарыздар. Сыртқы модем. информатикалық. Компьютер қорабынан тысқары, бөлек блок түріндегі модем. Сыртқы сауда. экономикалық. Тауарлар мен қызмет көрсетулер әкетілімі (экспорты) мен әкелімінен (импортынан) тұратын елдер арасындағы сауда. Сыртқы сауда айналымы. экономикалық. Елдің (елдер тобының) белгілі бір кезеңдегі экспорты мен импорты құнының сомасы. Сыртқы сауда бірлестігі. экономикалық. Экспортимпорт операцияларын және солармен байланысты қызмет түрлерін жүзеге асыратын шаруашылық есептегі ұйым. Сыртқы сауда мәмілесі. экономикалық. Тауарлардың, көрсетілетін қызметтердің экспортымен және импортымен, шығармашылық қызмет нәтижелерімен немесе оларды пайдалану құқығымен байланысты мәміле. Сыртқы сауда саясаты. экономикалық. Белгілі бір елдің немесе елдер тобының сыртқы сауда қатынастарын дамыту жөніндегі экономикалық ұйымдастыру, саяси шараларының жүйесі. Сыртқы сауда фирмасы. экономикалық. Тауарды экспортқа айтарлықтай шығаруға жағдайы бар өндірістік, ғылымиөндірістік, сыртқы сауда және басқа бірлестіктердің құрылымында құрылатын дербес сыртқы экономикалық бөлімше. Сыртқы саясат. саяси. Мемлекеттің өзге мемлекеттермен саяси, экономикалық, әскери және әлеуметтікмәдени қарымқатынасының жиынтығы. Сыртқы саяси ведомство. саяси. Кез келген мемлекеттің, елдің сыртқы iстер министрлігi. Сыртқы шығын. экономикалық. Кәсіпорын басқа ұйымдарға (фирмаларға, кәсіпорындарға) немесе жалпы қоғамға аударатын өндіріс шығыны. Сыртқы істер. саяси. Мемлекеттің халықаралық, шетеларалық істеріне қатысты. Сыртқы істер министрлігі. дипломатиялық. Сыртқы саяси қызметті жүзеге асыратын және дипломатиялық қызмет органдарының бірегей жүйесін басқаратын орталық атқарушы билік органы.