МЕМЛЕКЕТ
[ араб тілі. ] зат есім. 1. Белгілі бір аумаққа иелік етіп, сол жердегі халықтың еркін дамуына мүмкіндік беретін, қоғам табиғатынан туындайтын ортақ істерді атқаруға қажетті басқарудың жоғарғы дәрежеде ұйымдасқан жүйесі, саяси билік ұйымы. 2. Ел. Мемлекет басшысы. Елбасы, Президент. Мемлекет болды. Ел болды, бірікті, бас қосты. Мемлекет иммунитеті. құқықтық. Дербес мемлекеттікке қатысты шетел сотының соттамайтындығын білдіретін құқықтық қолсұқпаушылық, пұрсаттылық. Мемлекет меншігі. Мемлекеттің иелігі. Мемлекет мүлкі. Мемлекет қарамағындағы барша зат есім.