ЭКОНОМИКА
[ грек тілі. оіkоnоmіkē ] зат есім. 1. Белгілі бір қоғамдағы үстемдік етуші өндірістік тәсілдерге сай, өндіргіш күштерінің даму дәрежесін сипаттайтын қоғамдықөндірістік қатынастардың жиынтығы. 2. Өндіріс пен шаруашылықтың белгілі бір саласын зерттейтін ғылыми пән. Экономика үлгілері. экономикалық. Экономикалық жүйелердің әртүрлі элементтері арасындағы сандық және қисындық тәуелділікті анықтау үшін үдерістерді математикалық әдістермен сипаттау. Экономиканы реттеу. экономикалық. Экономикалық құбылыстар мен олардың байланыстарын белгілі бір деңгейде ұстау немесе қолайсыз үдерістерді болдырмау, басып тастау мақсатымен экономикаға ықпал ету. Экономиканың инфрақұрылымы. экономикалық. Өндіріске және жалпы шаруашылыққа қызмет көрсететін, олар үшін қажетті іргетас қалайтын, тірек болатын қызмет салалары мен түрлерінің жиынтығы.