НИЕТ
[ араб тілі. ] зат есім. 1. Бір нәрсеге, бір іске, біреуге пейіл, ықылас білдіруде алдын ала қалыптасатын мақсатты ой, ынта, тілексөз. 2. Көңіл, пейіл, ықылас. 3. философиялық. Қазақ ұлттық дүниетанымында адам әрекетінің нақтылы мақсатын, мазмұнын бейнелейтін қозғаушы күш. 4. діни. Адамның ойға алған ғибадаты мен атқарар ісі алдында негізгі мақсатын белгілеуі. Ниет білдірді. а) Емеурін танытты, оңтайланды, ұсыныс жасады. ә) діни. Аллаға ғибадатын іштей белгіледі. Ниет білдірушi. кіт. Ниеттенушi, ойы бар. Ниет етті [ қылды ]. а) Көңілін, ықыласын аңғартты, танытты. ә) діни. Алла алдындағы ғибадатын, парызын өтеуді алдына мақсат қылып қойды, соған іштей дайындық істеді, ынта білдірді. Ниет ету. діни. Алла алдындағы парызын, оған деген ғибадатқұлшылығын өтеуге дітін білдіру, іштей соған дайындалу, жүректен өткізіп, ауызбен бекіту. Ниет [ ниетің ] қабыл болсын. діни. тілексөз. Ойға алған іс, ықылас орындалсын. Ниет тарылды. Жақсы пиғыл, ізгі амалтілектен айырылды, іштарлық етті. Ниеті ақ [ жақсы, адал, түзу, дұрыс ]. Көңілі, ықыласы адал, ойы таза, діті түзу. Ниеті ауды. а) Ойы кетті, көңілі кетті. ә) Ықыласы түсті. Ниеті бұзылды. а) Азғындады, жаман жолға түсуге барды, жамандық әрекетке барды. ә) діни. Күнә әрекет жасауды ойға алды, Алланы ұмытты. Ниеті жаман [ қара ]. Көңілі бұзық, ықыласы теріс, арам ойлы. Ниеті жолдас болды. жергілікті сөз. Ниеті қабыл болды, ойлағаны болды. Ниеті қазат. Ниеті түзу, адал. Ниеті кепті. жергілікті сөз. Ниеті бұзылды, ниеті құрыды. Ниетіңе жет! алғыс сөз. Ойың, ниетықылас қойғаның, көңіліңе алғаның орнына келсін деген мағынадағы алғыс сөз. Ниетің қабыл болсын! алғыс сөз. Ойың, ниет, ықылас қойғаның, көңіліңе алғаның орнына келсін деген мағынада. Ниеті түзу. Көңілі, ойы, ықыласы адал.