НАҚТЫ
сын есім. Дәл, тура, анық, айқын. Нақты ақпарат. Шын, анық мәлімет. Нақты бағдарлама. Алдын ала жасалған жоспар, оны іске асырудың жолы. Нақты байланыс. Іс жүзіндегі алысберіс, келім-кетім. Нақты бейне. информатикалық. Мультимедиалық жүйенің нақты уақыт мерзімінде жұмыс істеу қабілеттілігі. Нақты бет. информатикалық. Физикалық жадта орналасқан және сондықтан тез қатынас құруға болатын виртуал бет. Нақты биржа мәмілесі. экономикалық. Нақты тауарды биржа қоймасына жеткізіп бере отырып немесе оны қоймадан ала отырып сату немесе сатып алу жөнінде биржада жасалған мәміле, келісім. Нақты еңбек. экономикалық. Адамның нысаналы ісәрекеті; оның ақыл-ой мен күш-жігер жұмсауы. Нақты жад. информатикалық. Компьютердің барлық негізгі физикалық жады [ Орталық процессор программалар мен мәліметтерді орналастырып пайдалана алады ]. Нақты жалақы. экономикалық. Қызметкер жалақысының сатып алушылық қабілетін, оның тұтынушылық мәнін көрсететін көрсеткіш. Нақты жұмыс. Нәтижелі іс, қолға алып істеліп жатқан шаруа. Нақты инвестициялар. экономикалық. Қаражаттың материалдық өндіріс саласына арналған ұзақ мерзімдік жұмсалымы. Нақты кәсіп. Белгілі бір шаруашылық, өндіріс түрі. Нақты көлем. информатикалық. Интерактивті бейнекескіндер технологиясында қатынас құруға болатын бейнедискідегі кеңістік (кадр орын алатын көлем). Нақты көрініс. Дәлелді, дәйекті белгі. Нақты нәтиже. Қол жеткен табыс. Нақты өнім. экономикалық. Базалық нақты мән; көрсетілетін қызмет немесе дәл сипаттамасы бар және белгіленген сипаттамамен немесе үлгі нөмірімен ұсынылатын идея. Нақты пайыздық мөлшерлеме. экономикалық. Инфляция ескерілмейтін пайыздық мөлшерлеме. Нақты рынок. экономикалық. Тауарлар нақты ақшаға сатылып, дереу жеткізілетін рынок [ Фьючерстік рыноктан өзгешелігі – бұл рыноктағы сатушылар тауарды дереу сатуға әзір, ал сатып алушылар тауардың дереу жеткізілуін талап етеді ]. Нақты санесім. информатикалық. Жылжымалы үтірлі аралас сан, бүтін саннан және бөлшектен құралған санесім. Нақты сөз. информатикалық. Нақты сан ұсынылған нумерал. Нақты тауар. экономикалық. Қоймадағы жеке-дара сипаты бар, дереу жеткізілетін немесе жеке-дара сипатынан айырылған, әдетте, офсеттік мәмілемен аяқталатын фьючерстік өзара шарт тақырыбы болып табылатын дерексіз тауарға қарама-қарсы түрде жеткізілетін тауардың нақты топтамалары. Нақты тауар жөніндегі келісімшарт. экономикалық. Нақты тауар биржасында пайдаланылатын сатып алусату келісімшарты. Нақты тауармен жасалатын мәміле. экономикалық. Фьючерстік рынокта жасалған мәмілеге қарама-қарсы түрде рынокта нақты тауарды сатып алусату шарты. Нақты тауар рыногы. экономикалық. Фьючерстік келісімшарттар бойынша жасалатын саудаға қарама-қарсы түрде нақты тауармен сауда жүргізілетін рынок. Нақты топ. педагогикалық. Адамдардың шамасы шағын, ортақ уақыт пен кеңістікте болатын және нақты қатынастармен біріккен қауымдастығы (мыс., отбасы, мектеп сыныбы, жұмысшылар бригадасы, әскери бөлімше және т.б.). Нақты уақыт жүйесі. информатикалық. Уақыттың нақты өлшемінде ақпаратты өңдеуге арналған есептеуіш жүйе. Нақты уақыт мониторы. информатикалық. Нақты уақыт жүйесінің жұмысын ұйымдастыруға арналған басқарушы программа. Нақты уақыт режімі. информатикалық. Есептеу желісінің осы желіге қатынасы бойынша сыртқы процеспен әрекеттестігін жасақтайтын мәліметтерді өңдеу режімі. Нақты уақыт сағаты. информатикалық. Ағымдағы нақты астрономиялық уақытты көрсететін микросхема (сағат, минут, секунд). Нақты уақытта өңдеу. информатикалық. Келіп түсуіне қарай кірістік мәліметтерді өңдеу режімі. Нақты іс. Бос сөз емес, тікелей жұмыс, нәтиже.