ҚАРЖЫ
[ араб тілі. ] зат есім. 1. Ақша, қаражат, пұл. 2. экономикалық. Мемлекеттің, аймақтардың, шаруашылық жүргізуші субъектілердің, заңи және жеке тұлғалардың ақшалай қаражатының құралу, бөліну, қайта бөліну, пайдаланылу үдерісін сипаттайтын іргелі, қорытындылаушы экономикалық санат, осы үдеріс барысында туындайтын ақша қатынасы. Қаржы активтері. экономикалық. Жеке немесе заңи тұлғалардың ақшалай қаражаты; келешекте пайда алынбақшы нысандар. Қаржы аппараты. экономикалық. Қаржыны басқарумен айналысатын барлық ұйымдық құрылымдардың жиынтығы. Қаржы бақылауы. экономикалық. Мемлекеттік қаржыны басқару атқарымы, мемлекеттің және жергілікті өзін-өзі басқарудың ақша қорларын құраудың, бөлудің және пайдаланудың заңдылығын, тиімділігін және нәтижелілігін тексеру әдістерінің, органдарының және ісшараларының жүйесі. Қаржы бизнесі. экономикалық. Қаржы нарығындағы қаржы активтерін сатып алусатудан тұратын қызмет. Қаржы брокері. экономикалық. Бағалы қағаздарды сатып алусату кезіндекомиссия немесе тапсырма шарты негізінде тапсырыскерлердің есебінен және солардың тапсыруымен делдалдық (агенттік) міндеттерді орындаушы тұлға. Қаржы дағдарысы. экономикалық. Төтенше жағдайлардың (экономикалық, саяси, әскери жағдайлардың) әсерінен болатын мемлекеттік қаржының барынша қожырауы (әдетте экономикалық дағдарыспен байланысты болып келеді). Қаржы делдалдары. экономикалық. Жеке және заңи тұлғалардың ақшалай қаражатын шоғырландыру және кейіннен осы қаражатты шаруашылық жүргізуші субъектілер мен басқа да қарызгерлерге несие түрінде беру міндетін атқаратын қаржы институттарының (ұйымдардың, мекемелердің) жиынтығы; елдің қаржы жүйесінің ақшалай қаражатты несиегерлерден қарызгерлерге беретін, яғни шаруашылық жүргізуші субъектілерді жанама түрде қаржыландыратын бөлігі. Қаржы делдалдығы. экономикалық. Жеке және заңи тұлғалардың ақшалай қаражатын шоғырландыру, осы қаражатты еселей түсу, оларды шаруашылық жүргізуші субъектілер мен басқа да қарызгерге несие түрінде беру мақсатын көздейтін қаржы қызметі. Қаржы есебі. экономикалық. Кәсіпорындардың, ұйымдардың, фирмалардың шаруашылық операцияларын көрсетуге және қорытындылауға, оның сыртқы пайдаланушы үшін қаржы есептемесін дайындауға арналған бухгалтерлік есеп жүйесі. Қаржы есепқисабы. экономикалық. Кәсіпорынның, ұйымның қаржы жағдайы, оның өзгерістері туралы арнаулы қарастырылған ережелер бойынша есептеме нысандары түріндегі ақпарат. Қаржы есептемесі. экономикалық. Есепқисаптың заңда көзделген міндетті нысаны. Қаржы жалгерлігі. экономикалық. Жалгерлік туралы шарт. Қаржы жұмсалымы. экономикалық. Ұйымның басқа ұйымдардың мемлекеттің бағалы қағаздарына, облигациялары және өзге де бағалы қағаздарына, жарғылық капиталына салынған инвестициялары болып табылатын активтердің бір бөлігі, сондай-ақ басқа ұйымдарға берген қарызы. Қаржы жүйесі. экономикалық. Белгілі бір қоғамдықэкономикалық формация шеңберінде өмір сүретін қаржы мекемелерінің жиынтығы. Қаржы инвестициясы. экономикалық. Табыс (пайыз, роялти, дивиденд, жалгерлік төлемақы, капитал) өсімін немесе өзгедей пайда алу мақсатымен субъект иеленетін активтер. Қаржы капиталы. экономикалық. Ақшалай қаражат нысанындағы капитал; өнеркәсіптің немесе экономиканың басқа да салаларының капиталымен шоғырландырылған банк капиталы және қаржы-несие институттарының капиталы. Қаржы компаниялары. экономикалық. Жеке салаларды несиелендіруге немесе несиенің белгілі бір түрлерін (тұтынушылық, инвестициялық т.б.), қаржы операцияларын жүргізуге мамандандырылған қаржы-несие мекемелері. Қаржы қатынастары. экономикалық. Шаруашылық жүргізуші субъектілер мен мемлекетте ақшалай табыс пен қорланымның қалыптасуына, нысаналы мақсаттағы ақшалай қорлардың құралуына және пайдалануына байланысты қоғамдық өнімнің құны мен ұлттық байлықтың бір бөлігін бөлу және қайта бөлу үдерісінде туындайтын ақша қатынастары. Қаржы қауіпсіздігі. экономикалық. Мемлекеттің макродеңгейде экономикалық мүдделерді, корпоративтік құрылымдарды, шаруашылық жүргізуші субъектілердің қаржы құрылымдарын қорғау жөніндегі шаралары, әдістері мен құралдары кешенін қамтитын ұғым. Қаржы құқығы. экономикалық. Мемлекеттік қаржы қызметіне байланысты қатынастарын реттейтін құқық саласы. Қаржы құралдары. экономикалық. Нарықта сатуға және сатып алуға болатын қаржы активтері мен пассивтері. Қаржы қызметін көрсету. экономикалық. Банкілер мен ұлттық банкінің лицензиясы бар банкіге жатпайтын қаржы мекемелері көрсететін қызметтер. Қаржы нарығы. экономикалық. Ақша операцияларының арнайы саласы болып табылатын нарықтық қатынастар жүйесі. Қаржы нормалары мен нормативтері. экономикалық. Қаржыны жоспарлауда