ҚЫЗМЕТ
[ араб тілі. ] зат есім. 1. Еңбек ету аясындағы жұмыс; кәсіп. 2. ауыспалы мағына. Бір нәрсенің мәні; маңызы, орны. Қызмет айту. сөйлеу. Бұйымтай айту. Қызмет атқару. Белгілі бір жұмыс түрін орындау, істеу, жүргізу. Қызмет бабы. Жұмыс барысы, жағдайы, жұмыс жайы, жайжапсары. Қызмет көпіршесі. су шаруашылық. Көлденең байланысты, екі фермадан жасалған аса ауқымды жүккөтергіш кран. Қызмет көрсету. Адамның және жалпы қоғамның қандай да болсын қажеттерін қанағаттандыруға бағытталған, бірақ жаңа тұтыну құнын не жаңа өндіріс құралжабдығын немесе тұтыну заттарын жасамайтын тиімді қызметі. Қызмет көрсетуші кооператив. Мелиоративтік, көлік, жөндеу, құрылыс, экологияны қалпына келтіру жұмыстарын жүргізіп, малдәрігерлік қызмет көрсету, кеңес беру т. с. с. қызметтер көрсету үшін құрылған ұйым. Қызмет қылды [ етті, жасады, көрсетті істеді ]. а) Жұмыс істеді, еңбек етті. ә) Құрмет жасады, сый көрсетті, күтті. Қызмет мерзімі. Зат, нәрсе, құралжабдықтың өзінің тиімді жұмыс істеуін қамтамасыз ететін қасиеті мен сапасын сақтайтын кезең. Қызмет сұрау. сөйлеу. Келген қонақтың бұйымтайын сұрау. Қызметтен босату. Қызметкердің тапсырылған жұмысты дұрыс орындамағанда немесе басқа да келеңсіз, жайсыз жағдайлармен байланысты орнынан алу, жұмыстан айыру. Қызмет шекті. Қызмет көрсетті, қызмет етті. Қызметi бұзылды. Атқаратын жұмысы, орындауға тиіс міндетi жүзеге аспады, жұмыс iстеу тәртібіне нұқсан келдi. Қызметін бұзды. кіт. Қандай да бір нәрсенің, желінің немесе жүйенің жұмыс iстеу тәртібіне, жұмысына ақау келтірдi.