НЕГІЗГІ
сын есім. Шешуші мәні бар, басты. Негізгі арқан. спорт. Жуандығы 1014 ммкапроннан не нейлон жіптерден өрілген, шыңға шыққан альпинистердің негізгі байланыс бөлігі болатын және ауырлықты көтеретін арқан. Негізгі діңгегі. Ең бастысы, ең маңыздысы. Негізгі жұмыс. Бірнеше жұмысты қатар атқаратын тұлғаның өзі үшін негізгі деп есептейтін, не неғұрлым көп уақытын алатын, не оған неғұрлым көп табыс әкелетін жұмыс. Негізгі капитал. экономикалық. Субъектінің бүкіл заттай да, ақшалай да капиталын ақшаға шағып сипаттайтын көрсеткіш. Негізгі қағидаттар. Басты баптар, ережелер. Негізгі қақпашы. спорт. Командадағы бас қақпашы, бірінші қақпашы. Негізгі қорлар. экономикалық. Материалдық өндіріс саласында да, бейөндірістік салада да заттай нысанда ұзақ уақыт бойына жұмыс істейтін және өзінің құнын тозуына қарай бөліктер бойынша жоғалтатын материалдыізаттай құндылықтардың жиынтығы. Негізгі морфема. лингвистикалық. Дербес лексикалық мағынасы бар, түбір морфема. Негізгі ой. Ең басты мәселесі, көздеген мақсаты, идеясы. Негізгі өндіріс. экономикалық. Кәсіпорынның тауар өнімін (бұйымдар, тауар) өндіруді (жеткізу мен өткізу үшін қызметтер көрсетуді) қамтитын өндірістік қызметінің бір бөлігі. Негізгі өнім. экономикалық. Өндірістің жалпы көлеміндегі үлес салмағы көп және кәсіпорын дайындауға бағдарланған өнім. Негізгі сөздік қор. лингвистикалық. Тілдің негізін құрайтын, сөздік құрамның қалыптасуы мен сөзжасамда маңызды рөл атқаратын, жалпыхалықтық сипатқа ие бір буынды сөздер.