ИНВЕСТИЦИЯЛЫҚ
сын есім. экономикалық. Инâестицияға тән, инвестицияға қатысты. Инвестициялық ахуал. экономикалық. Белгілi бір өндіріс орнына қаржы көздерінен қаржы жұмсаудың жайжапсары. Инвестициялық бағдарлама. қоғ. саяси. Мемлекеттің экономикалық дамуындағы инвестициялардың мөлшерi мен уақытын, бағытын белгілейтін шаралардың мақсатты жоспары. Инвестициялық банк. экономикалық. Облигациялар мен акциялар шығарушы консорциумның кепілшісі не мүшесі, яғни инвесторлар арасында құнды қағаздардың таралуын қамтамасыз етуші ретінде әрекет жасайтын банк. Инвестициялық институттар. экономикалық. Бос қаржы ресурстарының қорланымы мен өндіріске салынған инвестиция арасында қор рыногының тетігін іске қосатын арнаулы мамандандырылған институттар. Инвестициялық жоба. экономикалық. Белгіленген тәртіппен ресімделген құжаттарға сәйкес белгілі бір мерзімде жүзеге асырылатын материалдық объектілерді жасау немесе жетілдіру жолымен мемлекеттің активтерін көбейтуге бағытталған ісшаралар кешені. Инвестициялық қор. экономикалық. Қандай да бір кәсіпорын, өндіріс, құрылысқа, құнды қағаздар сатып алуға ұзақ мерзімге берілген қаржы құралдарының жиынтығы. Инвестициялық құнды қағаздар. экономикалық. Инвестициялау құралы ретінде айналыста жүрген және иесінің кәсіпорында немесе мүлікте үлесі бар екенін дәлелдейтін атаулы құнды қағаз. Инвестициялық салық несиесі. экономикалық. Салық төлемдерінің мерзімін несиелік қайтарым негізінде ұзарту немесе салық төлеуден босату. Инвестициялық саясат. экономикалық. Қоғамдық өндірістің даму қарқынын экономиканың тепетеңдігі мен тиімділігін арттыратын қаржы құйылымдарының негізгі бағыттарын, оларды маңызды арналарға шоғырландыру шараларын анықтайтын шаруашылық шешімдердің жиынтығы. Инвестициялық сертификат. заң. Инвестицияның заңды екенін куәландыратын құжат. Инвестициялық ынтымақтастық. экономикалық. Ресурстарды ұтымды бөлу, халықаралық еңбек бөлісіне қатысу артықшылықтарын пайдалану, қоғамдық өндірістің технологиялық құрылымын жаңарту есебінен мемлекеттердің экономикада неғұрлым жоғары жетістіктерге жетуі болып табылатын халықаралық экономикалық қатынастар.