ТҰТЫНУ
Тұтын етістігінің қимыл атауы; пайдалану. Тұтыну бағасының индексі. экономикалық. Салыстырмалы базистік кезеңдегі орташа отбасы тұтынатын тауарлар мен көрсетілетін қызметтер бағасы өзгеруінің орташа деңгейінің көрсеткіші. Тұтыну кооперативі. Азаматтардың материалдық және басқа қажеттіліктерін қанағаттандыру мақсатымен олардың мүліктік үлеспұлдық жарналарын біріктіру жолымен құрылған ұйым. Тұтыну қоры. экономикалық. Қоғам мүшелерінің жеке басының тұтынуы мен қоғамдық қажеттерін қанағаттандыру үшін пайдаланылатын ұлттық табыстың бір бөлігі. Тұтынулар маркетингі. экономикалық. Компанияның бүкіл өндірістікөткізу жүйесін тұтыну өнімінің жаңа үлгілерін жасау үшін соңғы технологиялық жетістіктерді пайдалануды ұйымдастыру. Тұтыну нарығы. экономикалық. Сатып алушылардың тұтыну тауарларына төлем қабілеті бар сұранымын қанағаттандыратын тауарлар мен ақылы қызмет нарығы. Тұтыну сапасы. экономикалық. Сұранымды ұсынымнан алшақтататын тауар тапшылығы және соның негізінде бағаның өсуі.