ШАРУАШЫЛЫҚ
зат есім. 1. Белгілі бір өндірістік қатынастардың жиынтығы. 2. Шағын өндірістік бірлік. 3. Табиғи ресурстарды пайдаланатын өндірістік бірлік (ауылшаруашылығы, қорықтыаңшылық шаруашылығы, орман шаруашылығы, орманаңшылық шаруашылығы, балық шаруашылығы, тоған шаруашылығы, көл шаруашылығы, теңіз шаруашылығы және тағы басқа.). 4. Адам қоғамы мен табиғат арасындағы қарымқатынастар. Шаруашылық акті. экономикалық. Белгілі бір шаруашылық операциясының болғанын (жасалғанын) қуаттайтын құжат. Шаруашылық бөлімi. Кәсіпорын, ұйым, мекеменің т.б. шаруашылық iсімен шұғылданатын арнаулы саласы. Шаруашылық даулары. экономикалық. Кәсіпкерлік және шаруашылық қызметте, сондай-ақ түрлі шарттар мен келісімшарттарға негізделген қаржы-несие қатынастары кезінде туындайтын даулар. Шаруашылық дербестік. экономикалық. Шаруашылық шешімдерді тәуелсіз қабылдаудың, тәуекелмен байланысты ісқимылдарды қоса заңмен тыйым салынбаған кез келген ісқимылды жасаудың құқық нормаларымен қамтамасыз етілген мүмкіндігі. Шаруашылық есеп. экономикалық. јз шығынын өз табысының есебінен толтырып, өндірістің тиімділігін қамтамасыз етуге негізделген, шаруашылықты жоспармен жүргізу әдісі. Шаруашылық жүргізуші субъект. экономикалық. Шаруашылық қызметпен айналысушы заңды немесе жеке тұлға. Шаруашылық қауымдастықтар. экономикалық. Өндірістікшаруашылық қызметтерді үйлестіру мен орталықтандыру, өнімге деген қажеттіліктерін қанағаттандыру, оны өткізу үшін өндірісті мамандандыру және кооперацияны дамыту мақсатымен шарт негізінде құрылған кәсіпорындар бірлестігі. Шаруашылық қоғам. экономикалық. Жарғылық капитал бойынша құрылтайшылардың (қатысушылардың) үлестеріне бөлінген коммерциялық ұйым. Шаруашылық құқықтық. экономикалық. Үлгілік экономикалық қатынастарды (мыс., кооперативтік құқық) және күнделікті шаруашылық қызметті (мыс., жеткізілімдер, кепілдіктер т.б. туралы шарттар) айқындайтын азаматтық та, қылмыстық та құқықтың нормалары. Шаруашылық серіктестік. экономикалық. Ортақ коммерциялық мақсатқа қол жеткізу үшін құрылған заңды және жеке тұлғалар бірлестігі. Шаруашылық серіктестік. экономикалық. Жарғы капиталы құрылтайшылардың (акционерлердің) үлестеріне (акцияларына) бөлінген акционерлік ұйым. Шаруашылық тетігі. Экономикалық құрылымдардың, институттардың шаруашылықты жүргізу нысандары мен әдістерінің жиынтығы. Шаруашылық шарт. Кәсіпкерлік қызметті жүзеге асыру барысында кәсіпкерлік қызмет субъектілері арасында жасалатын азаматтыққұқықтық шарт: фирмалар, компаниялар, ұйымдар арасында олардың шаруашылық қызметті қамтамасыз ету, оларға қызмет көрсету және экономикалық, шаруашылық қызметті жүзеге асыру үдерісінде өзара міндеттерді орындау мақсатымен жасалынған келісім. Шаруашылықты экономикалық реттеу. экономикалық. Ресурстарды бөлу және ұлттық экономиканың дамуы кезеңінде белгілі бір тетіктердің – институттар, нысандар мен құралдар жиынтығының көмегімен қоғамдық қажеттіліктерге сай келетін үйлесімділікті қалыптастыру.