ӨМІР
зат есім. 1. Жарық дүние, бұл дүние, тіршілік. 2. Адам мен жанжануарлардың, өсім- діктердің физиологиялық тіршілік ету, өсу процесі (өлімге қарама-қарсы). 3. Өсу, даму үрдісінің белгілі бір кезеңі, сатысы; адамның ғұмыры. Өмір базары. поэтикалық. Қызықты тіршілік, қызыққа толы өмір, адам өмірi. Өмір бақи. Ылғи, үнемі, әрқашан. Өмір бақшасы. поэтикалық. Өмір қызығы, қуанышы. Өмір берді. Жаратты, дүниеге келтірді. Өмір бойы. Ылғи, үнемі, әрқашан. Өмірге бойлады. Өмірге үңіле қарады, өмірді терең түсінді, білді. Өмірге ез болды. Дүние илеуіне түсті. Өмірге жеткен күн. Түбіне жеткен күн, құртқан, келешегін жойған оқиға, кез. Өмірге қадам басты. Жаңадан тіршілік ете бастады. Өмірге оралды. Ажалдан аман қалды. Өмір дастаны. поэтикалық. Басынан өткен өмір жолы. Өмірде не кешпеді. Не көрмеді, небір сұмдықтарды көрді деген мағынада. Өмірден озды. Дүние салды, қайтыс болды. Өмірден тепкі жеді. Тұрмыстың соққысын көрді, дүниеден азап шекті. Өмірдің ащысы мен тұщысы. Тіршіліктің қайғысы мен қызығы, ауыры мен жеңілі. Өмірдің ащытұщысын көрді [ татты ]. Тұрмыстың жақсыжаманын басынан кешірді. Өмірдің беліне шықты. Бiрталай жас жасады, адам жасыныц бір кезеңіне кірдi деген мағынада. Өмірдің күнгейі. бейнелі сөзқолданыс. Тіршіліктің мәнді, сәнді, адамның бақытты кезі. Өмірдің қиынынан өтті. Басынан ауыр кездерді, ауыртпалықты өткерді. Өмірдің өрі. Өмір белесі, асуы. Өмірдің өткелі. бейнелі сөзқолданыс. Адам өмірінің бір кезеңінен екіншісіне ауысатын шағы, өтпелі кезеңі. Өмірдің сәні кетті. Қызық азайды, қызықсыз бола бастады. Өмір есігін ашты. поэтикалық. Іс пен еңбекке алғаш аттап, араласты. Өмір жасың ұзақ болсын! алғыс сөз. Көп жаса; ғұмырлы бол! Өмір жүзі. Күнделікті өмір, тіршілік. Өмір зайғы [ зая ] өтті [ болды ]. Өмірі бос, тектен-текке кетті. Өмір заңы. Өмірдің ащысы мен тұщысы, жақсысы мен жаманы, адалы мен арамы қатар жүретін, күрес пен қарамақайшылыққа толы (қатал) сипаты. Өмір зая. Өмірі зая, бос, бекер. Өмір зырлады. Уақыт, өмір тез өте шықты. Өмір илеуінен өтті. Тіршілік талқысын көрді, қиыншылықты басынан өткерді. Өмір кемесi. Тұрмыс, тіршілік. Өмір – керуен. поэтикалық. Ғұмыр, зырылдаған уақыт. Өмір кешті [ сүрді ]. Тіршілік етті, жасады. Өмір көрсетті. Уақыт өте келе анықталды, көз жеткізді. Өмір кірпішін қаласты. бейн е. Бірге өмір сүру мағынасында. Өмір қазанында қайнады. Күнделіктi өмірде шынықты, шыңдалды. Өмір өткелінен өтті. Басынан қиын-қыстау кезеңдерді өткізді. Өмір өтті. Тірліктегі күні берекесіз, бос өмір сүрді. Өмір салты. педагогикалық. Индивидтердің, әлеуметтік топтың, тұтас алғанда қоғамның өмірлік қарекетінің тән сипатты түрлерінің жинақтамасы. Өмір серік. Жұбай, жар, ерлі-зайыпты. Өмір соқпағы. Өмір жолы, тіршілік, тағдыр. Өмір сүрді. Тіршілік етті, жасады, ғұмыр кешті. Өмір табалдырығын аттады. Өмірге келді, тіршілік ете бастады. Өмір тауқыметін көп көрген. Тұрмыстың соққысына талай ұшыраған, өмірдің зардабын көп тартқан. Өмір тонын кигізді. поэтикалық. Адам көңіл күйінің сергіп, жаңарып, селт етіп тіршілік құшағына кірген сәті, жаңарған көңіл күйі, қалпы деген мағынада. Өмір шамы сөнді. поэтикалық. Өмір сағаты жетті, тіршілік оты өшті. Өмір шашты. Таратты, жайды. Өмірі зая өтті [ болды ]. Өмірі бос өтті, тектен-текке кетті. Өмірі кісі есігінде өтті. Жалшылықпен күн кешті. Өмірін арнау. Бiреу үшін не бір нәрсе үшін өмір сүру. Өмірін итке берсін. Көрген күні күн емес деген мағынада. Өмірін лашықта өткізді. Ғұмыр бойы жоішылықта, таршылықта өмір сүрді. Өмірін өксітті. Уайымқайғыға салды, мұңшерге батырды. Өмірін сарп етті [ қылды ]. Өмір бойы жан аямай қызмет етті. Өмірі өксумен [ өксікпен ] өтті. Бағы ашылмады, өмірі қиыншылықпен өтті. Өмірі өксіді. Қайғықасіретте күн кешті. Өмірі өксіп өтті. Өмірі жылаумен өтті, тіршілігі қиындық пен қайғыға толы болды. Өмірі – харап. Өмірді босқа өткізді.