ПАЙЫЗДЫҚ
зат есім. жаңасөз. Еселік, проценттік. Пайыздық ақша салымы. қаржы термині. Салымшыға оның талап етуі бойынша төлеу шартымен ішкі қаржы және еурорыноктағы банкке ақша салу. Пайыздық арбитраж. қаржы термині. Түрлі валюталар бойынша пайыздық мөлшерлемедегі айырма есебінен пайда алу мақсатымен жасалатын мәміле. Пайыздық мөлшерлеме. экономикалық. Несие немесе қарыз капиталын пайдалану үшін төленетін төлемақының пайыздық көрсеткіші. Пайыздық өтеу. экономикалық. Қарызгердің басталған төлем бойынша пайыз сомасын қолда бар қаржы ресурстарынан төлеуге қабілеттілігі. Пайыздық саясат. экономикалық. Ресми (есеп) пайыздық мөлшерлемесін өзгерту арқылы несие ресурстарының бағасын мемлекеттің реттеуі.