ТАЛДАУ
1омоним зат есім. 1. философиялық. Бүтінді құрамды бөліктерге жіктеп талдауға негізделген ғылыми-зерттеу әдісі. 2. химиялық. Тұтастай бір заттың немесе оның қандай да бір ингредиентінің кез келген сипаттамасын – құрамын, құрылысын, күйін анықтауды мақсат еткен зерттеу әдістері мен процестері. Талдаудың дәлдігі. химиялық. Сандық талдау кезіндегі өлшеу қателігінің шамасы. Талдаудың кинетикалық әдістері. химиялық. Химиялық реакция жылдамдығы мен реакцияласушы заттар концентрациясының арасындағы тәуелділікке негізделген химиялық талдау әдістері. Талдау жасады. Жеріне жеткізіп тексерді, сараптады. Талдау және жинақтау. ф и -лос. Бүтінді, тұтастықты құрамдас бөліктерге, мүшелерге ойша немесе реалды түрде таратып, ажырату арқылы түсіну және олардың ішкі үйлесімінің мысалымен басқа құбылыстарды тану әдісі. Талдау картасы. экологиялық. Қандай да бір құбылыстың жеке элементтерін, әдетте, аз талданып қорытылған көрсеткіштермен бейнелеп көрсететін карта.