САЯСАТ
[ араб тілі. ] зат есім. 1. Елді басқару ісін жүргізу, таққа, билікке ие болу, араласу, ел билеу ісі. 2. cаяс и. Мем лекет қызметінің формасын, міндеттерін, мазмұнын анықтауды көздейтін әлеуметтік топтар арасындағы қарымқатынасқа, билікті ұстап қалу мен пайдалануға байланысты қоғамның өмір сүру әрекетінің саласы. 3. Мемлекеттер арасындағы, сондай-ақ мемлекет ішіндегі билікке ие болуға немесе биліктің таралуына, шоғырлануына ықпал етуге қатысты, әдетте, шын мақсаты шебер жасырылған, бүркемеленген айлалы шаралар. 4. Қоғам өмірінің жекелеген саласында қандай да бір мақсатты көздейтін жалпы елішілік істерді жүзеге асыру шаралары. 5. Билік басындағы жеке тұлғаның немесе шағын топтың ел билеудегі ерекше қолтаңбасы, әдісайласы, бағыты мен амалдарының кешені. 6. Ұжымның, мекеменің өз мақсатмүдделерін жүзеге асыру бойынша ісқимылы, оның әрекет, қызмет ету үлгісі. 7. ауыспалы мағына. Ел билігінің тұтқасын ұстағандар. 8. ауыспалы мағына. Амал, айла-шарғы, құрал. Саясат әлемі. Мемлекетішілік және мемлекетаралық қатынастарды реттеуге, биліктің таралуына, шоғырлануына әсер етудің жолдары мен шаралары. Саясат әлеуметтануы. ғыл. Қоғамның, жекелеген әлеуметтік топтардың мемлекетке және билік институттарына көзқарасын саяси сана, саяси мінез-құлық тұрғысынан анықтайтын әлеуметтану ғылымының саласы. Саясат әуесі [ һауасы ]. Елдер мен елішілік саяси топтар арасындағы билікке ықпал етуге талас негізінде қалыптасқан жағдаят, саяси кеңістіктегі ахуал. Саясат дүниесі. Саясаттануға қатысты білімдер; саясатқа қатысты үдерістер мен үрдістер. Саясатқа жүйрік. Айлалы, өз дегеніне оңай жететін. Саясат қайраткері. Өз елінің мүдделерін қорғауда, жүзеге асыруда маңызды болып табылатын саяси шараларды атқарушы, қоғамның саяси өмірінде оң үрдістерді қалыптастыруға ықпал етуші белсенді тұлға. Саясат құралы. Саяси шараларды жүзеге асыруға септігін тигізетін тәсіл, амал т.б. Саясат қызметшісі. Елдің саяси шараларын, мақсатміндеттерін жүзеге асыруды көздейтін құзырлы орындардың қызметкері, лауазымды тұлға. Саясат майданы. Саяси көзқарас пен мүдделілердің тартыс ортасы. Саясат сахнасы. Саяси ісқимылдар өтіп жат қан, шаралар жүзеге асып жатқан кеңістік. Саясат субъектісі. саяси. Саяси ісқимылдар мен саяси әрекетке қатысушы партиялар, қозғалыстар, тұлғалар, топтар мен мемлекеттер және басқа да саяси институттар. Саясат тартысы. Саяси күштер мен нысандардың саяси кеңістіктегі ықпал, билікке таласы. Саясат түзеді. іштей мүдделі болған жасырын мақсаттарын орындауды ойластырды. Саясаттың акулалары. газет. жағымсыз. Саяси кеңістікте басқыншылық танытатын үстем топтар, елдер т.б. немесе солардың өкілдері. Саясат тілі. Саяси жетекші мен сайлаушылар арасындағы байланыстың, саяси шындық ты білдіру мен тіркеудің құралы ретіндегі тіл. Саясатын жүргізді. а) Айлашарғысын, саяси мүддесін іске асырды. ә) Ойын іске асыр ды, айлаамалдармен көздегеніне жетті. Саясат ісіне көгендеді. Саясатты қатыстырды, саясатты араластырды.