БАҒА
[ ир. ] зат есім. 1. Заттың құны, нарқы. 2. экономикалық. Тауарды (қызметтi, бағалы қағазды) өткізу құны, тауардың ақшаға шаққандағы құны. 3. педагогикалық. Оқушының білім дәрежесін анықтауда қойылатын балдық жүйе. 4. Бiр нәрсенің сыны, парқы. 5. ауыспалы мағына. Қадір-қасиет. Баға ауқымы. экономикалық. Ақша өлшемi түрінде бекітілген алтын немесе күмістің анықталған салмағы. Баға бәсекесi. экономикалық. Баға арқылы нарықтағы жоғары орынға ие болуға әрекеттену процесi. Баға белгілеу. экономикалық. Тауар, қызмет немесе өнімнің экономикалық ережелерге сәйкес құнын анықтау. Баға бердi. Қадірқасиетін, құнын айырып дәл таныды, бағалады. Баға босатылды. экономикалық. Нарық заңдылықтарына сәйкес тауар бағасы еркін белгілендi. Баға деңгейi. экономикалық. Жекелеген тауарлардың (қызметтердің) не олардың жиынтығының белгілi бір күнгi не белгілi бір кезеңдегi ақша өлшемімен тұлғаланған бағасы. Баға жетпейдi [ жеткісіз ]. Еш нәрсе тең келе алмайды, құнды, қымбат. Баға жетпес. Теңдесi жоқ, өте құнды. Баға жоқ. Аса құнды, қадірлi. Баға индексi. экономикалық. Баға деңгейінің серпіні мен арақатынасын қорытындылаушы көрсеткіш. Баға кестi. Бағалады. Баға кесушi. Заттың құнын белгілеуші. Баға көрсеткi. экономикалық. Тауарлардың бағасы жазылған анықтамалық немесе бағасы жазылған қағаз. Баға қойды. а ) педагогикалық. Оқытутәрбиелеу процесінде оқушы білімінің, тәртібінің бағасын белгіледi. ә ) экономикалық. Тауар, қызмет немесе өнімнің құнын белгіледi, бағалады. Баға құралымы. экономикалық. Бағаның, олардың құрылымының, деңгейлерi мен арасалмақтарының қалыптасуы мен өзгеруi. Баға масштабы. экономикалық. Белгілi бір елде ақша бірлігi ретінде қабылданған металдың (алтын немесе кұміс) салмақтық өлшемi. Бағаны әртараптандыру. экономикалық. Қаржылық мүмкіндіктерi әр түрлi тұтынушыларды көптеп тарту жолымен рыноктың үлкен бөлігін қамту мақсатымен кәсіпорындар қолданатын баға саясаты. Бағаны қалпында сақтау. экономикалық. Сыртқы экономикалық факторлардың немесе ақшаның құнсыздануының әсерінен бағаның бірнеше есе өсу процесi кезінде оны бір деңгейде ұстап тұру. Бағаның тұрақсыздануы. әлеум. экономикалық. Сатып алатын тауарлар мен заттар бағасының қымбаттай беруі. Бағаны оңтайландыру. экономикалық. Бәсеке үшін күресте қолданылатын, жеңілдік жасау жүйесіне негізделген, сапасы әртүрлi тауарларға бірдей баға белгілеу. Бағаны ырықтандыру. экономикалық. Бағаны тәуелсіздендіру, оны мемлекеттің тікелей реттеуінен шектеу. Бағасы алтыннан зор. Қымбат, бағалы. Бағасы асты. Қадірi артты, беделi артты. Бағасы кеттi. Қадірi кеттi, беделi түстi. Бағасын арттырды. Құнын асырды, абырой, беделін көтердi. Бағасын асырды. Қадірқасиетін арттырды. Бағасын көтердi. а ) Бәсін арттырды, құнын асырды. ә ) Қадірін асырды; жоғары бағалады.