БІЛІМ
зат есім. 1. Адамның белгілi бір жүйедегi ұғымдарының, деректерi мен пайымдарының т.б. жиынтығы. 2. Оқу, үйрену арқылы алынатын (келетін) дүниенің қандай да бір қыр-сыры туралы түсінік (таным). 3. Кәсіби біліктілік, мамандыққа қатысты ұғым, деректер жүйесi. 4. Қандай да iстi жүзеге асыру жолдары мен әдістәсілдерінің жиыны. 5. Белгілi бір сала (мәселе) туралы арнайы мәліметтер жиыны (жүйесi). Бiлім алды. Сауаттанды, оқу оқып, ғылым үйрендi, ойөрісi кеңідi. Бiлім алу. Қандай да бір білім беру орындарында мамандықты немесе жалпыға ортақ білім жүйесін меңгеру процесi. Бiлім алушыларды қорытынды мемлекеттік аттестаттау. Мемлекеттік жалпы міндеттi стандарт талаптары бойынша білім алушылардың білім деңгейін анықтау мақсатымен жүргізілетін нәтижелерi бойынша білім туралы құжат (куәлік, аттестат, қызмет куәлігi, диплом) берілетін рәсім. Бiлім базасы. а) Студенттердің, оқушылардың меңгерген білім қоры. ә) Оқу орындарындағы білім алушылардың білім деңгейi, қоры, оқу құралжабдықтары, техникалыққұрал жабдықтары және тағы басқа. Бiлім бердi. Оқытты, үйреттi, ғылым негіздерін үйреттi. Бiлім беру. а) педагогикалық. Тиістi оқу орны арқылы ғылыми мағлұмат беріп, адамның танымын, білімін, дағдысын, дүниеге көзқарасын жетілдіру процесi. ә) қоғ. әлеум. Қоғам мүшелерінің адамгершілік, зияттық, мәдени және дене дамуы мен кәсіби біліктілігінің жоғары деңгейіне қол жеткізудi мақсат ететін үздіксіз тәрбиелеу мен оқыту процесi. Бiлім беру әдістемесi. п е д. Жекелеген білім процесінің тәлімдік әрекетіндегi нақты тәсіл, амалдардың сипатталуы. Бiлім беру бірегейлігi. педагогикалық. Авторлық бағдарлама бойынша жұмыс iстейтін, өз тәлімдік тұжы рымдамасы бар әр алуан оқу мекемелерін ортақ жүйеге келтіру, қалыптастыру. Бiлім беру гранты. қоғ. әлеум. Бiлім алушыларға кәсіптік білімге төлеу үшін тегін берілетін нысаналы ақша сомасы. Білім беру несиесі. әлеум. Белгілі бір әлеуметтік топтағы тәлімгерлерге, талапкерлерге білім алу үшін берілетін, кейін қайтарылуға тиісті төлемақы. Бiлім берудегi делдалдық. Бiлім беру қызметін iске асырушы мен оны тұтынушыны байланыстыратын iсәрекет. Бiлім берудегi маркетинг. Ұйымдар мен жеке адамдарға білім беру тұрғысында қызмет көрсетудің баға құрылуын анықтау, жоспарлау, iлгерлету және жүзеге асыру процесi. Бiлім берудегi мониторинг. Бiлім беру процесінің қалаған нәтижеге немесе бастапқы ұйымдарға сәйкестігін анықтау мақсатындағы тұрақты бақылау, қадағалау. Бiлім берудегi өктемдік. Бiлім алушы мен білім берушi арасындағы қарым-қатынас түрi; білім беру iсінде құрғақ беделге салу, әкімшілік жолмен өктемдік көрсету. Бiлім берудің жалпы қолжетімдігi. қ о ғ. әлеум. Барлық типтегi оқу мекемелерінің білім алушыларға жынысына, нәсіліне, ұлтына, дініне тағы басқа. айырмашылықтарына қарамастан білім беруіне заң жүзінде толық құқық беру. Бiлім берудің негізгi сипаты. Халықтың әралуан топтарының қалаған деңгейде білім алу құқықтарына ешбір нұқсан келтірмейтін және кез келген білімділік сұранысты қанағаттандыра алатын оқутәрбие мекемесi жүйесi мен білімділік бағдарламалар құру. Бiлім берудің тиімділігi. Қойылған мақсатқа сәйкес өлшем бойынша білім беру қызметінің нәтижесін сипаттайтын бағалау санаты. Бiлім беру жүйесi. педагогикалық. Мемлекет стандартына сәйкес халыққа берілетін қажеттi білімдердің реттелген желісi. Бiлім беру қызметкерлерінің біліктілік категориясы. Қызметкердің кәсіптік міндеттi орындау мүмкіншілігін қамтамасыз ететін нормативтi өлшеміне сәйкес тәлімдік және басқарушылық еңбектің кәсіптілік және өнімділік мөлшерін көрсететін біліктілік деңгейi. Бiлім беру мекемесін аттестаттау. Бiлім беру мекемесінің мемлекеттік білім стандартына мазмұн, деңгей және сапасының сәйкес келуін анықтау. Бiлім беру несиесi. Бiлім алуға төлеу үшін берілетін нысаналы несие. Бiлім беру социологиясы. Әлеуметтік субьектілер, білім беру жүйесi, оның деңгейлік кішi жүйелерi, тиістi институттары мен топтық агенттерi қарастырылатын социологияның бір саласы. Бiлім беру технологиясы. педагогикалық. Оқу процесін жоспарлау, оқушылардан тест алу және білім беру жүйесi ретінде мектеп iсәрекетін басқару үшін жүйелi тәсіл мен iлеспелi тәжірибелік білім жинынтығын құру. Бiлім беру туралы заң. Республика азаматтарының білім алуға конституциялық құқын қамтамасыз етуге арналған заң. Бiлім беру тұжырымдамалары. педагогикалық. Әртүрлi оқу орындарындағы базалық оқу пәндерінің мазмұны мен оқылу ұзақтығы туралы көзқарастар жүйесi, білім беру бағдарламаларының мақсаттарын, міндеттерін, ұйымдастырылуын түсінудің белгілi бір әдісi. Бiлім беру ұйымдары. Бiр немесе бірнеше білім беру бағдарламаларын iске асыратын және (немесе) білім алушылардың, тәрбиеленушілердің күтімi мен тәрбие алуын қамтамасыз ететін заңды тұлғалар. Бiлім беру ұйымдарының филиалдары. Бiлім беру ұйымының одан тыс жерде орналасқан және білім беру бағдарламаларын толық көлемде iс жүзіне асыратын құрылымдық бөлімi. Бiлім беру философиясы. педагогикалық. Бiлімдi аксиология, онтология, гносеология, антропология тұрғысында әлеуметтікмәдени гуманитарлық практиканың ерекше бір саласы деп қарастыратын жалпы теория. Бiлім беру экономикасы. қоғ. әлеум. Рухани өндіріс пен материалдық емес қорланудың шарушылық тұрғысынан аса маңызды салалары ретіндегi білім беру қызметінің әртүрлi нысандарының ерекшелігін зерттейтін экономикалық теория тарауы; білім беру саласын дамытудың, білім беру саласының мекемелерi мен басқару органдарының педагогикалық және шаруашылық қаракетін оңтайландырудың нақты экономикалық проблемаларын талдапзерттейтін ғылыми пән. Бiлім дариясы. поэтикалық. Терең, зердесi мол білік. Бiлім дәнін септi. поэтикалық. Ағартушылық iстер атқарды, мектептер ашты. Бiлім дәрежесi. а) Мектеп, оқу орындарында оқу аяқтау деңгейi. ә) Оқубілім деңгейi. Бiлім деңгейi. Оқу, білім алу дәрежесi, біліктілігi. Бiлім деңгейін анықтайтын тест. Бiлім деңгейін тексеру үшін алынатын тест. Бiлімдер базасы. информатикалық. а) Белгілi бір пән саласында азамат жинақтаған білімдердi компьютерге ұсынуға (енгізуге) арналған семантикалық модель. ә) Кейбір пән саласына жататын білімдер жинағы. Бiлімдердің инженерлік өнерi. информатикалық. Бiлімдердi ұсыну, оларды актуалды қалыпкүйде қолдану және олармен айла-шарғы жасау бойынша зерттеулер жүргізетін информатиканың саласы. Бiлімдердi ұсыну жүйесi. информатикалық. Интелектілік жүйелерде білімдердi сипаттау және сақтау құралдары мен әдістерінің жиынтығы. Бiлімдi бекіту. педагогикалық. Алған білімдi тест әдістерi, сұрақжауап арқылы, шығарма, мазмұндама, реферат Білім жетілдіру. педагогикалық. Білгенін одан ары ұштай түсу, білмегенін толықтыру. Бiлім көлемi. педагогикалық. Мектептің әр сатысындағы, әр пән бойынша игеруге қажеттi білім. Бiлім мазмұны. педагогикалық. Жас ұрпақтың өркениеттi, саламатты қоғамда өмір сүруi үшін оған қажеттi ақпарат, деректердің, ұғымдардың реттi, байланысқан желісi. Бiлім туралы құжаттар. Бiлім берудің, біліктіліктің, білім беру мекемесінің аттестациядан өткенi туралы берілген, кәсіби білімдік бағдарламалар деңгейіне сәйкес мемлекеттік үлгідегi құжат. Бiлім шарқы. Бiлім көлемi, білім дәрежесi. Білімнің денін екті. бейнелі сөзқолданыс. Білім берумен, ағартушылықпен айналысты. Білімін көтерді. Білімін жетілдірді, біліктілігін арттырды.