ЦИКЛ
[ грек тілі. kуklоs ] зат есім. 1. Мөлшерлі уақыт ішінде толық бір айналыс жасайтын белгілі бір құбылыстар жүйесіндегі үдерістердің жиынтығы. 2. әдеб. Қаһармандарының я тақырыбының немесе тарихи дәуірінің бірыңғай болып келуіне қарай топтастырылған шығармалар тобы. 3. информатикалық. Алгоритмнің немесе программаның бірнеше рет орындалатын бөлігі. Циклді қосылыстар. химиялық. Құрамына циклдер кіретін химиялық қосылыстар. Циклдерді оңтайландыру. информатикалық. Программаларды оңтайландырудың негізгі мақсаты болып саналатын алгоритмдер мен программалардағы циклдердің орындалу уақытын жергілікті оңтайландыру. Циклдерді санауыш. информатикалық. Циклдің қадамдар санын есептейтін программа операторы. Цикл индексі. информатикалық. Циклдің орындалған қадамдарының саны. Цикл қадамы. информатикалық. Цикл параметрінің ағымдағы мәнін қосу немесе азайту арқылы өзгертетін шама. Цикл операторы. информатикалық. Циклге кіретін операторлар тобының бірнеше рет қайталанып орындалуын анықтайтын программадағы оператор. Цикл параметрі. информатикалық. Цикл операторында циклдің қайталанулар (қадамдар) санының санауышы ретінде пайдаланылатын айнымалы. Цикл тізімі. информатикалық. Цикл айнымалысының мәндерін есептеу ережесі мен оның аяқталу шартын анықтайтын цикл операторы құрылымының бөлігі. Цикл уақыты. информатикалық. Бір тізбек оқиғалардың немесе құбылыстардың шығуының уақыт аралығы (мысалы, жадқа жүйелі түрде назар аударудағы уақыт аралығы).