БАНК
[ француз тілі. bаnque ] зат есім. қаржы термині. Ақша айналымын басқаратын, несие беретін, жеке тұлғалар мен мекемелердің арасындағы ақша айналымын жүзеге асыратын қаржы мекемесi. Банк аударымы. қаржы термині. Жеке немесе заңды тұлғаның басқа бір тұлғаға белгілi бір соманы аудару жөнінде банкке берген тапсырысы. Банк депозиттерi. қаржы термині. Өсіміне, банктердің салымшылар үшін тиімдi шартпен беретін кепілдіктерi негізінде тапсырылған салымдар. Банк жүйесi. Банк операцияларының бірыңғай ұлттық немесе халықаралық жүйеге біріктірілген жиынтығы. Банк капиталы. қаржы термині. Банктің несие ліктөлемдік және басқа да операциялар жасау үшін пайдаланатын ақша капиталының жиынтығы. Банк консорциумы. Несиелік, кепілдемелік және басқа да банк операцияларын бірлесіп жүргізу үшін уақытша біріктірілген банктер тобы. Банк құпиясы. Банктің өз клиенттерінің т.б. несие мекемелерінің есепшоттары мен аманат ақшалары жөніндегi мәліметтердi құпия сақтауы. Банк несиесi. қаржы термині. Банктің төлеу шартымен несиеге берген ақшалай қаражаты. Банк ресурстары. қаржы термині. Банктегi кредиттік т.б. да операциялар жасау үшін пайдаланылатын қаржылар жиынтығы. Банктің инвестициялық портфелi. экономикалық. Банктің белсенді операциялар жүргізу барысында сатып алған бағалы қағаздардың жиынтығы.