ӨНЕРКӘСІП
зат есім. 1. Халық шаруашылы- ғының шикізатты өңдейтін және одан жаңа бұйымдар жасайтын саласы; кәсіпорын. 2. экономикалық. Халық шаруашылығының шикізат, отын, энергия өндірумен, ағаш дайындаумен, өнеркәсіптік және ауылшаруашылығы шикізатын өндіріс құралжабдығына, тұтыну заттарына одан әрі өңдеумен (қайта өңдеумен) айналысатын кәсіпорындарды (зауыттарды, фабрикаларды, кеніштерді, шахталарды, электр стансаларын, т.б.) біріктіретін аса маңызды саласы. Өнepкәсіп ағындылаpы. су шаруашылық. Xалық шаpуашылығының мұнай өңдey, химия, cабын қайнатy, цeллюлозақағаз, тоқымa, металлургия, кeн cалалаpы кәсіпоpындаpының табиғи су көздepін ластайтын ағындылаpы. Өнеркәсіп капиталы. экономикалық. Қосымша құн өндіру үшін алдын ала төленген капитал. Өнеркәсіп көрмесі. Өнеркәсіп жетістіктерін көрсететін орын. Өнеркәсіп орындарының қызметкерлері. экономикалық. Кәсіпорынның (фирманың, т.б.) тізімдік құрамдағы барлық қызметкерлері. Өнеркәсіп өнімі. экономикалық. Аяқталған дайын бұйым, тауарлай дүмбілзат, өнеркәсіп орындары, қосалқы өнеркәсіптік өндірістер дербес жүргізген, қолданыстағы стандарттар мен өндірістік технологияларға сай келетін өнеркәсіптік сипаттағы жұмыстар. Өнеркәсіптегі құрамдастыру. экономикалық. Бірбірімен байланысты бірнеше өндірісті бір кәсіпорынға біріктіру. Өнеркәсіп торабы. экономикалық. Ортақ мүдделік жағдайда бірыңғайлы көліктікгеографиялық орнымен, өзара өндірістіктехнологиялық байланыстармен бірлестірілген өнеркәсіптік кәсіпорындардың серіктесіп орналасқан аумағы. Өнеркәсіпті [ өнеркәсіп орындарын ] мемлекет иелігінен алу. экономикалық. Мемлекет меншігінен алып қайта бөлу, яғни мемлекет меншігіндегі нысандарды жекеменшіктің қолына беру.