МОРАЛЬДЫҚ
сын есім. Ахлаққа қатысты, байланысты. Моральдық зиян. заң. Ахлақтық зиян (азаматтық құқықта жеке және заңды тұлғалардың өзіндік беймүліктік игіліктері мен құқықтарының бұзылуы, кемсітілуі немесе олардан айырылу, соның ішінде жәбірленушіге қарсы жасалған құқық бұзушылықтың салдарынан басынан кешірген жан азабы немесе тән азабы). Моральдық кодекс. Адамгершілік, ар-ұят қағидалары. Моральдық құқықтық.заң. Әр адамның қоғамдық қатынастардағы кездесетін келеңсіз жағдайларға қарсы тұра білу, өзінің заңды талаптарын қадағалай білу құқығы. Моральдық нигилизм. философиялық. Адам өмірінің мағыналығын, барша қабылдаған адамгершілік және мәдени құндылықтардың маңыздылығын жоққа шығаруға саятын дүниетанымдық ұстаным. Моральдық норма. Бір әрекеттің орындалып, екіншісінің шектелуін талап ететін идея. Моральдық саяси бірлік. Ахлақ пен саясатқа қатысты бірлік. Моральдық тәрбие. Адамгершілік сана, сезім, мінезқұлықтарды қалыптастыратын тәрбие.