ЗАҢ
зат есім. 1. философиялық. Ақиқат болмыстың, өмірдің, заттардың, құбылыстардың немесе үдерістердің елеулі сипаты бар, белгілі қалыпта көрінетін өзара байланыстылығы, олардың бір-біріне тәуелділігі; заттардың, құбылыстардың, үдерістердің жалпы байланысының, яғни заңдылықтардың мәнін түсіндіретін философиялық категория. 2. заң. Мемлекеттің ең жоғарғы өкімет органдары қабылдайтын, ерекше заңдылық күші бар акт; қаулықарарлар; декрет. 3. Қалыптасқан белгілі бір тәртіп, жүйе. 4. Белгілі бір ғылым саласына тән, үнемі қайталанып отыратын, реттелген, қалыптанған жүйе. 5. ауыспалы мағына. Орындалуы шарт, міндетті іс. 6. ауыспалы мағына. Әдет-ғұрып, салт-сана. 7. ауыспалы мағына. Үлгі, өнеге. Заң актісі. құқықтық. Белгілі бір құқықтық салдар туғызатын, қоғамдағы қарымқатынастарды реттеуге бағытталған жазбашаресми құжат. Заң бердi. Тәртіп орнатты, заң шығарды. Заң бойынша. Заңға сәйкес, заң баптарына сай. Заң [ құқық ] бұзылу. ресми. Мемлекет тарапынан қорғалатын ахлақ нормалары мен нұсқаулардың орындалмауы, олардан ауытқуы. Заңға томпақ. Қағидаға сай келмейтін, кереғар, қайшы. Заң ғылымы. құқықтық. Құқықтық әлеуметтік нормалардың ерекше жүйесі ретінде зерделейтін және құқықты қолдану қызметінің алуан түрлі қырларын зерттейтін қоғамдық ғылым. Заң жобасы. құқықтық. Елдегі заң шығарушы органның қарауы немесе бүкілхалықтық референдумға салу үшін әзірленген заңның қабылдауға ұсынылатын мәтіні. Заң жүзінде. Заң бойынша, заңға сәйкес. Заң жүзіндегі конституция. құқықтық. Әлеуметтік қатынастар шеңберін реттейтін құқықтық нормалардың айқындалған жүйесі. Заң кеңесі. Жұртшылыққа заң көмегін көрсету жұмысын ұйымдастыру үшін құрылатын адвокаттар ұжымы. Заңның кері күші. құқықтық. Заңды ол кү шіне енгенге дейін болған оқиғаларға қатысты қолдану. Заң органдары. Заң шығарушы билік, мекеме. Заң орны. Күнделікті өмірде мемлекет заңдарының сақталуын қадағалайтын мекеме. Заң шығару бастамасы. құқықтық. Елдегі заң шығарушы органның қарауына белгіленген рәсімдемеге сәйкес заң жобасын ресми түрде енгізу құқығы; заң шығару процесінің алғашқы сатысы. Заң шығарушы билік. саяси. Заң шығарумен, бекіту, өзгерту немесе жоюмен айналысатын билік, парламент. Заң шығарушы орган. құқықтық. Конституция бойынша елдегі заң шығарушы билікті жүзеге асырудың негізгі міндеті жүктелген мемлекеттік өкілетті алқалық орган.