БАСҚАРУ
Басқар етістігінің қимыл атауы. 1. Басшылық ету, билігін жүргізу. 2. Ұйымдастыру, жетекшілік ету. 3. Меңгеру, игеру. 4. экономикалық. Ұйымдасқан жүйеге нысаналы түрде ықпал жасау, оның белгіленген құрылымын сақтау, қызметтің тәртібi мен мақсатын қолдау. 5. информатикалық. Берілген бағдарламаға сәйкес нысанаың жұмыс iстеуін үзбеуге немесе жетілдіруге бағытталған және нақты апарат негізінде таңдап алынған әрекеттер жиынтығы. Басқару ағыны. информатикалық. Орындалатын командалар тізбегi. Басқару аймағы. информатикалық. Электрондық поштада хабарларды жеткізу желілерінің белгілi бір жиынтығы. Басқару алгоритмi. а) экономикалық. Басқару шешімдерін әзірлеу дің, жоспарларды тұжырымдаудың, басқару барысында ақпарат алмасудың дәл белгіленген тәртібi. ә) техникалық. Қандай да бір басқару процесін жүзеге асыру үшін орындалатын ережелердің ретi көрсетілген жүйе. Басқару аппараты. Қоғамның әрбір саласы бойынша нұсқаутапсырмалар беріп, олардың орындалуын қадағалайтын арнаулы білімдi қызметкерлерден құрылған ұйым. Басқару атқарымдары. Басқару қызметінің түрi. Басқару әдісi. Еңбек ұжымының жекеленген орындаушылардың объектісінің алдында тұрған мақсаттарға жетуге бағытталған басқару қызметінің тәсілдерi. Басқару блогi. информатикалық. Есептеу процесін басқару үшін операциялық жүйе пайдаланылатын интерфейсінде – редакциялау терезесінде команда параметрлерінің қосылғандық белгілерi, батырмалары немесе басқарудың басқа түрлерi де бар терезе. Басқаруды автоматтандыру. информатикалық. Басқару саласына есептеу техникасын, автоматика құрылғыларын және экономикалықматематикалық әдістердi енгізу процесi. Басқаруды жүктеу. информатикалық. Басқару мәліметтерін арнайы жадқа жазу. Басқаруды интенсивтендіру. экономикалық. Басқарушылық еңбекті жақсы ұйымдастыру, басқарушылық шешімдерді әзірлеу әдістерін жетілдіру және тағы басқа. жолмен жүзеге асырылатын жеделдету. Басқарудың автоматтандырылған жүйесi. информатикалық. Кәсіпорын немесе сала көлемінде экономикалықматематикалық әдістердi қолдана отырып, өндірістi басқару процестерін кешендi автоматтандыруға арналған «адам – мәшине» типтi жүйе; әртүрлi объектілердi басқаруды автоматтандыруға арналған бағдарламалық және техникалық құралдар кешенi. Басқарудың әкімшілік аймағы. информатикалық. Электрондық поштада – телекоммуникациялық оператордың басқаруында болатын басқару аймағы. Басқарудың әкімшілік әдістерi. экономикалық. Бiрлескен қызмет барысында міндеттi түрде орындалуға тиіс нормативтік актілер, директивалар мен бұйрықтар, нқсқаулар мен өкімдер, басқа да жарлықтар арқылы адамдардың қатынасына ықпал ету құралдарының жиынтығы. Басқарудың әлеуметтікпсихологиялық әдістерi. экономикалық. Ұжымның қалыптасуы мен даму процесіне, оның iшіндегi әлеуметтік процестерге оңтайлы психологиялық ахуал жасау жолымен адамдар арасындағы қарымқатынасты реттеуге ықпал етудің нақты тәсілдерi. Басқарудың директивалық әдістерi. экономикалық. Басқару субъектісінің, басқарушы органның басқару объектісi; субъектіге бағынышты тұлғалар тарапынан мүлтіксіз орындалуға тиіс өкім әзірлеуге негізделетін әдістер. Басқарудың дискреттік жүйесi. информатикалық. Ақпарат екi немесе одан да көп элементтер арасындағы импульстер тізбегімен берілген жүйе. Басқарудың дистанциялық жүйесi. тарихи. Ресей өкіметi Батыс Қазақстанда хандық биліктi жойғаннан кейін енгізген жергіліктi әкімшілікаумақтық бөліктер құрылымы. Басқарудың классикалық мектебi. экономикалық. Ұйымда ұтымды пайдалану үшін бұрынғы кезеңде қалыптасқан және жалпы қағидаларға теңдестіруге негізделген амал. Басқарудың командалық әдісi. әскери сөз. Зымыранның ұшуын басқаратын белгілердің (команда ) оның бортына жердегi қондырғыдан берілетін нысанаға бағыттау әдістерінің бірi. Басқарудың микропроцессорлық жүйесi. информатикалық. Автоматтық құрылғылардан тұратын жүйе. Басқарудың экономикалық әдістерi. Қызметкерлердің материалдық мүдделеріне ықпал ету үшін объективтік заңдылықтар мен санаттарды саналы түрде пайдалануға негізделген басқару әдістерінің тобы. Басқару еңбегi. Мекеменің, кәсіпорынның басқару жүйесінде қызмет атқаратын лауазымды адамдар еңбегінің жалпылама атауы. Басқару жабдығы. техникалық. Электрондық есептегіш машинаның негізгi жабдығы. Басқару жолағы. информатикалық. Windоws жүйесінің графикалық интерфейсінде – редакциялау терезесінде команда параметрлерінің қосылғандық белгілерi, батырмалары немесе басқарудың басқа түрi бар терезе. Басқару жүйесi. а ) педагогикалық. Балаға білім беру мен тәрбиелеу iсінде қолданылатын, түрлi әдістәсілдердің жиынтығы. ә ) экономикалық. Қаржыландыру, жоспарлау, өнім шығаруды бақылау, есептеу жүйелерi т.б. кіретін фирманың ұйымдық құрылымның элементi. Басқару иерархиясы. информатикалық. < ағылшын тілі. cоntrоl hіerаrсhy> Басқару жүйесi өзара байланысқан деңгейлердің (рангтердің) бағыныштылық ретi. Басқару қадамы. информатикалық. Басқарылатын объектіге бірінен соң бірi келетін екi тізбектi басқару әсерін берудің уақыт аралығы. Басқару құрылғысы. информатикалық. а ) Алдыңғы операциялардың нәтижелерi мен орындалатын операцияның ерекшелігіне байланысты уақыттың керек сәтіне белгілi бір басқару сигналдарын (басқарушы импульстердi) қалыптастыратын және мәшиненің барлық блоктарына беретін құрылғы. ә ) Берілген бағдарламаға сәйкес құрылғылардың барлық бөліктерi автоматтық басқаруға арналған компьютер процессорының құрылым бөлігi. б ) Жад; арифметикалық логикалық құрылғы және машинаның басқа бөліктерінің арасында ақпараттың алмасуын басқаруды жасақтайтын қажеттi регистрлерi, санауыштары мен басқа элементтерi бар орталық процессордың бөлігi. Басқару объектісi. Жұмыс iстеудi басқару жүйесінің әрекеттерi арқылы жүзеге асыратын техника, процесс немесе адамдар ұжымы. Басқару операторы. информатикалық. Магниттік таспалармен және дискілермен жұмыс iстейтін оператор. Басқару операциясы. информатикалық. Мәліметтердi енгізушығарумен немесе өңдеумен тікелей байланысты емес компьютердің кез келген операциясы. Басқару органы [ орындары ]. заң. 1. Мемлекеттің аумақтықәкімшілік бөлініс нысандары қызметін реттеп, жүргізіп отыратын ұйым, мекеме. Басқару панелi. информатикалық. а ) Бұрынғы электрондық мәшинелердi қолмен басқаратын, индикаторлармен және қосқыштармен жабдықталған пульт. ә ) Windоws жүйесінің графикалық интерфейсінде жұмыс ортасы ыңғайластырылатын мыс. экран түсi, қыстырма, қаріптер мөлшерi, меңзердің жыпылықтау мерзімi және тағы басқа. анықталатын терезе. Басқару психологиясы. педагогикалық. Психологиялық басқару iсіндегi заңдылықтарды зерттейтін психологияның саласы. Басқару пункттерi. әскери сөз. Ұрыс қимылдарын дайындау, жүргізу немесе жауынгерлік кезекшілік кезінде қолбасшы штаб офицерлерімен бірге орналасып, әскерлердi басқаратын арнайы техникалық құралдармен жабдықталған орындар. Басқару пішімi. қоғ. саяси. Мемлекеттегi жоғары билік органдарын құрып, ұйымдастырудың құрылымы мен ретін, олардың арасындағы қарымқатынастар тәртібін сипаттайтын ұғым. Басқару режимi. информатикалық. Жалпы жағдайда басқарылатын объектінің iсәрекетін басқару тәсілi. Басқару схемалары. информатикалық. Ақпараттық құрылғының жұмысын басқаруға арналған электрондық схема. Басқару сызығы. информатикалық. Енгізушығарудың стандартты интерфейсінің сызығы (шинасы). Басқару техникасы. экономикалық. Басқару (менеджмент) міндеттерін атқару кезінде қолданылатын техникалық құралдар. Басқару томы. информатикалық. Операциялық жүйенің бір немесе бірнеше каталогтар индексінен тұратын том. Басқару торы. экономикалық. Басқарудың тиімділігін бақылаудың қос мөлшерлi тәсілi. Басқару үрдісi. Басқарудың қалыптасқан, дәстүрге айналған, орныққан жүйесi. Басқару формасы. саяси. Мемлекеттегi билік түрi. Басқару шинасы. информатикалық. Басқару сигналдары мен бақылау сигналдарын жеткізуге арналған жалпы шинаның бөлігi. Басқару элементi. информатикалық. Бағдарлама жұмысын басқаруға және ақпаратты енгізу мен шығаруға арналған пайдаланушының графиктік интерфейсінің құралы.