СУ
1омоним зат есім. 1. Өзен, көл т.б. түзетін түссіз мөлдір сұйық зат есім. // Құрғақ емес, ылғалды, дымқыл. 2. Өзен, көлдің жалпы атауы. 3. химиялық. Қалыпты жағдайда сутек пен оттек 1:8 көлемдік қатынаста болатын тұрақты қарапайым химиялық қосылыс; сутек оксиді, H 2О. 4. Мұрыннан шығатын мөлдір сұйық зат, сора. 5. ауыспалы мағына. Тиянағы жоқ, байлаусыз, мәнсіз, бос нәрсе. Су ағымы. физикалық. Өзен арналарының көлденең қимасы арқылы белгілі уақыт аралығында ағып өтетін су көлемі. Су айналымы. географиялық. Күн радиациясы мен ауырлық күшінің әсерінен судың үздіксіз орын ауыстыру процесi. Су айрығындағы батпақ. географиялық. Суы өте қышқыл, түсi шайға ұқсас, гумус қышқылына бай, әдетте су айрығы немесе өзеннің бас жағында болатын ылғалды жер телімінің бір түрi. Су алды. а) Су iштi, суланды, ылғалданды. ә) Су тасып, су басып кеттi. Су аяғы – Сүлеймен. мифологиялық. Су біткеннің бәрi құятын ең алыс жер. Су аяғы құрдым. а) Жер түбі. ә) Аяғы, ақыры сұйылды деген мағынада. Су аяғы құрдымға айналды. Жоқ болды, құрыды, зым-зия жоғалды. Су аяғы құрдымға кетті. Бәрі бітті, қырсық шалды. Су байлады. Суды керек жағына бұрды, су ұстады. Су барқыны. Су жағасындағы көкорай, шалғынды жер. Су басатын зона. географиялық. Су басатын аймақ (бөгет, платиналар құру нәтижесінде су басатын аймақ). Су басты. Сел қаптап, жеркөктi су алды. Су басу. Жер бетіндегі ағын сулардың немесе жерасты сулары деңгейінің көтерілуі. Су басы жоғары болсын. тіле к. жергілікті сөз. Егін суы мол болсын, шығымды болсын деген мағынада. Суға кетірді. а) Өлтірді, өлуіне, суға батып кетуіне себепші болды. ә) Зиянын тигізді. Суға кеткен тал қармайды. Амалы құрыған адам нені болса да көмек тұтады деген мағынада. Суға кетті. Суға батып, опат болды. Судан суға шүйгу. Еркін қызыққа кенелу. Судан тұнық, сүттен аппақ. Адал, ешбір күнәсы жоқ. Судан шыққан [ суға түскен ] тауықтай. Иіні түскен, жүні жығылған. Суды жырып алды. Ағын суды өз арнасынан бөлек жол салып, бұрып алу. Судың да сұрауы бар. Не болса да жөнімен, ысырапсыз жұмсау керек деген мағынада айтылады. Судың құйғаны. Өзен салаларының түйіскен жері. Судың ластануы. экологиялық. Су құрамының бұзылып, жарамсыз күйге көшуі. Су жаңасөз. Ешкім ұстамаған, инежіптен жаңа ғана шыққан зат есім. Су жолы. көлі к. Су көлігі (кеме) қатынайтын су айдыны. Су жұқтырмай мақтады. Еш жаман сөз жолатпай мадақтады, дәріптеді. Су жықты. Арықтың, арнаның ағысын бұрды. Су деңгейі. географиялық. Су қоймалары мен су ағыстары еркін бетінің кез келген шартты жазық бетке немесе теңіз деңгейіне қарағандағы биіктігі. Су иесі Сүлеймен. мифологиялық. Мифтік наным бойынша, судың пірі, жебеушісі. Су көздері. географиялық. Жерасты суларының жер бетіне (кейде су астына) өздігінен шоғырлана шығатын жері. Су көлігі. техникалық. Жолаушылар мен жүктерді табиғи су (өзен, көл, теңіз, мұхит, бұғаз) және жасанды су (арналар, су қоймалары т.б.) жолдарымен тасымалдайтын көлік түрі. Су қайтару. геологиялық. Суға қаныққан тау жынысының еркін күйдегі суды бөлуі. Су қайтты. Тасқын сарқылып азайды, тартылды. Су қапталдығына да келмейді. Онша терең емес (су). Су қара көк танды. Ақталып, өзін арашалап, мойындамай қойды. Су қатынасы. Су жолдары арқылы жасалатын барыскеліс, кеме қатынасы. Сумен жылыту. Ыстық сумен жылыту құралдары арқылы берілетін жылу. Су мүйіз болған танадай. Айналшық болған тана сияқты. Су орды. Су ағысы қазып кетті; жырды. Су өтті. Жаңбырдың астында қалды, су болды. Су сепкендей басты. Сап тыйды, бірден тоқтатты. Су сепкендей басылды. Пышақ кескендей тыйылды, бірден тоқтады, сап тыйылды. Су таза. Тап-таза, қоспасыз. Су тасқыны. географиялық. Су деңгейінің көтерілуінен болатын апат. Су тегін. Арзан, қымбат емес. Су тиді. Сусу болды, суланды. Су төгілмейтін [ төгілмес, судай ] жорға. а) Нағыз майталман жорға. ә) Тілге шешен, сөзге жүйрік. Су төгілмес жорғалық. Сөзге жүйріктік, шешендік, шеберлік. Су төккісіз жорға болды. Құрдай жорғалады, бәйек болды. Су түбіне [ тереңге, терең түбіне ] батырды. Құртты, жоқ қылды, келмеске жібердi. Су түбіндегі уылдырықтар. биологиялық. Судың меншікті салмағынан ауыр, шырышты уылдырық. Су түбіне кетті. Құрыды, басы кетті. Су шайқалмас жорға. Үстінде кесеге құйылған қымыз шайқалып, төгілмейтін жорға. Су шаңғысы. спорт. Су бетінде сырғанауға арналған шаңғы. Су шығыны. физикалық. географиялық. Өзеннің, каналдың, құбырдың көлденең қимасынан бір секунд ішінде ағып өтетін судың мөлшері [ Ол текше метрмен өлшенеді ]. Су ішкен құдыққа түкірді. Өзін ержеткізген немесе өзіне жақсылық жасаған ортаға, адамдарға, қоғамға опасыздық жасады.