1омоним зат есім. 1. Дәстүрлi қазақ қоғамындағы дәулеттi әлеуметтік жік өкілi. 2. Қазіргi қоғамдағы орта қол дәулеттi немесе ауыр дәулеттi әлеуметтік топ. Бай бастас, батыр қандас, би құрақтас. Өзара пікірлес, теңдес деген мағынадағы сөзқолданыс. Бай бетке қонды. Жайлы жерге қоныстанды деген мағынада. Бай болған бақырып бола ма екен! сөйлеу. Болған кісi өзінөзi даурығып көрсете ме? Байдың құйыршығы. жағымсыз. Байдың жоғын жоқтаушы, байды жақтаушы.
2омоним сын есім. 1. Көп, мол, жеткіліктi. 2. Толыққан, жетілген, дамыған. 3. Дәулетi тасыған, әлауқатты, табысты. 4. ауыспалы мағына. Кең, ауқымды, үлкен.
3омоним зат есім. сөйлеу. Әйелдің некеленіп қосылған күйеуi, ерi. Байдан шыққан. Ажырасқан, бұрын тұрмыста болған. Байдан шыққан әйелдей алаңы көп. қарапайым сөз. Жоқсырауы, iздеуi көп деген мағынада қолданылады. Байы есіктен шықса, қатыны тесіктен шығады. Қыдырымпаз әйел туралы айтылады.
4омоним зат есім. спорт. Тоғыз құмалақ ойынындағы тастың атауы.
5омоним зат есім. Қытай Халық Республикасының Юньнан провинциясында тұратын халық.