ЫСТЫҚ
1омонимсын. 1. Отқа қыздырылып, ысыған (ас, су). 2. Қатты қызған, темпера турасы жоғарылаған (ауа райы). 3. ауыспалы мағына. Ардақты, қымбат, жақын. 4. ауыспалы мағына. қызу сезімге толы, жалындаған, әсерлі. // Адам не мал денесіндегі қалыпты температураның ауырған кездегі көтерілуі, қызуы. Ыстығы басылды. сөйлеу. Ыстығы қайтты, қалыпты температурағы түстi. Ыстығына күйіп, суығына тоңды. Жақсы-жаман күнінде бірге болды; бар қуанышқайғысына бірге ортақтасты. Ыстық ботқадай жабысты. Желімдей жабысты. Ыстық бұлақтар. Ыстық қайнар, температурасы 50–90 С ыстық термальды су көздері (бұлақтар). Ыстық дерт. Ауыр қайғы. Ыстық жас. Сағынышты, өксік жас; күйінгеннен, қапаланғаннан шыққан көз жасы. Ыстық жүрек. поэтикалық. Сезімтал, мейірімді көңіл; албырт жас, жалынды жүрек. Ыстық жүректі. Қызу қанды, жігерлі. Ыстық көрді. Көзіне оттай басылды. Ыстық көрінді [ тартты ]. Көзіне оттай басылды, қатты ұнады, жақын сезінді. Ыстыққа төзімді болат. химиялық. Қыздыру процесі кезінде тотықтары (Сr, Fe) 2 О 3, (Аl, Fe) О 3 ) қорғаныш қабыршықтарын түзетін элементтер қосылған болат. Ыстыққа ұрындырды. Аптапқа кезіктірді, ыстық күннің астында қалдырды, күн өткізді. Ыстық қоныс. Туған, өскен мекен, қадірлі, қасиетті ата жұрт. Ыстық құшақ. Жалынды, ынтық, құштар көңіл. Ыстық лебіз. Жалынды, ізгі тілексөз. Ыстық сәлем. экспрессивті. Ерекше ықыласты, жақын көңілді, сағынышты білдіретін амандық тілеу сөздері. Ыстық су. Температурасы 37°С–тан 50°С қа дейінгі су. Ыстық тартты. Қызықтырды, құмартты. Ыстық үй. жергілікті сөз. Қабырғасын тастан, ағаштан, кірпіштен жасаған, сыртын сылаған қыста отыратын жылы үй. Ыстық шөл. экологиялық. Жер су бетінен булану атмосфералық жауын-шашын мөлшерінен 40–80 есеге асып түсетін шөл. Ыстық ықылас білдірілдi. Жақын, жақсы көңілi бар, тілектес екенi көрсетілдi, айтылды. Ыстық ішпеді. Жылы жұмсақ ас татпады.