ГЕОЛОГИЯЛЫҚ
сын есім. геологиялық. Геологияға қатысты, байланысты. Геологиялық барлау. геологиялық. Кен белгілерi мен кендердің геологиялық жағдайын, сол кендердi iздеу, барлау, бағалау және игеру шараларының ең тиімдi мәселелерімен айналысу. Геологиялық барлау жұмыстары. к е н. Жер қойнауындағы пайдалы қазындылардың аса маңызды түрлері бойынша минералдық шикізат қорларының жайкүйін анықтау жұмыстарының кешені. Геологиялық блок. Жаралу тегi, магмалық пәрменділігi және өзгеріс ерекшеліктерi тұрғысынан ортақ көрсеткіштермен сипатталатын тектоносфераның мейлінше iрi (15 млн км 2) бөліктерi. Геологиялық блок әдісi. Қатты пайдалы қазба байлықтарды есептеудің негізгi әдістерінің бірi. Геологиялық болжамдар. геологиялық. Жердің алғашқы жаралу себептерін, оның iшкi құрылыс ерекшеліктерін, тектоникалық қозғалыстар табиғатын және планетаның геологиялық даму заңдылықтарын жасақтауға көмектесетін болжамдар жиынтығы. Геологиялық жапсар. геологиялық. Жер қыртысындағы түрлi тау жыныстарының бір-бірімен түйісуi, бетi немесе белдемi. Геологиялық жүйе. геологиялық. Кезең мезгілінде жиылған ішінде түрлі жануарлар (мақлұқат) мен өсімдіктердің (нәбәтат) қазба қалдықтары бар тау жыныстарының жиынтығы. Геологиялық карта. геологиялық. Шөгінді тау жыныстар мен магма жыныстардың жасы, таралуы көрсетілетін белгілі бір ауданның геологиялық құрылысын бейнелейтін карта. Геологиялық кезең. геологиялық. Тау жыныстарының геологиялық жүйе болып қалыптасатын уақыт бірлігі. [ Ол геологиялық эраның бір бөлігі саналады және бірнеше геологиялық дәуірлерге бөлінеді ]. Геологиялық кешен. Тектоникалық құрылым дамуының толық оралымы барысында, таужыныстардың нақтылы құрылым өңірінде түзіле бастағаннан осы құрылымның қатпарлана бастауына дейінгi аралықта қалыптасып үлгерген бүкіл таужыныстар жиынтығы. Геологиялық көнелік [ жас ]. Геологиялық денелердің түзілгеннен берi не геологиялық қайсыбір оқиғалар (қатпарлану, мұзбасу және тағы басқа.) болып өткеннен бергi уақыт мөлшерi. Геологиялық қабат. геологиялық. Географиялық атаумен геологиялық қабаттың бөлігін құрайтын аймақтық өлшемнің көмекшi мәнi. Геологиялық қима. геологиялық. Геологиялық картада берілген аумақтық геологиялық құрылысының тік бағыттағы графикалық бейнесi. Геологиялық құрылым. геологиялық. Жер қабығының қандай да бір үлескісінің геологиялық құрылысы; тау жыныстарының жатыс формасы. Жер қабығының қандай да бір үлескісінің, оның геологиялық құрылысының (мыс., қатпарлы, айырылымды, аралас құрылымды) ерекшелігін айқындайтын тектоникалық формаларының жиынтығы. Геологиялық құрылыс. геологиялық. Тау жыныстарының құрамдас бөліктерi. Геологиялық процестер. Жердің құрамын, құрылымын, бедерін және iшкi құрылысын үнемi өзгертіп отыратын процестер жиынтығы. Геологиялық саты. геологиялық. Тарихи геологияда Жердің және оның органикалық дүниесінің даму кезеңдерi. Геологиялық түзілім. геологиялық. Жер қыртысындағы түрлi таy жыныстарының пайда болуы. Геологиялық түсірім. Жер қыртысының нақтылы бөлігін оның геологиялық құрылыс ерекшеліктерi және минералдық шикізат қорын кіріктіру мүмкіндіктерi тұрғысынан зерттеу әдістерінің iшіндегi ең маңыздыларыныц бірi; сол аймақтың геологиялық картасын жасауға қатысты барша шаралар жиынтығы. Геологиялық факторлар. Таужыныстар массивінің қалып тасу сатысында жаралған табиғи күй. Геологиялық формация. Генетикалық, парагенетикалық, стратиграфиялық тұрғыдан немесе өзге де ортақ сипаттары тұрғысынан топтастырылған геологиялық денелер бірлестігi. Геологиялық формациялар картасы. Нақтылы тектоникалық, физикалықгеографиялық және термодинамикалық жағдайда қалыптасып, бір-бірімен парагендік байланыста түзілген таужыныс бірлестіктерінің белгілi бір аймақ өңірінде таралу заңдылықтарын кескіндейтін арнаулы геологиялық карта. Геологиялық формациялар туралы iлім. Жер қыртысына тиесілi әртүрлi дәрежелi құрылымдық элементтердің зерттеу барысында осы құрылымдық элементтердің геологиялық даму тарихын оларды құрайтын геологиялық формациялардың болмысбітімi мен құрылыс ерекшеліктерін жан-жақты саралау нәтижесінде сатылай отырып қадағалауға негізделген геология ғылымның арнаулы iлімi. Геологиялық эрозия. геологиялық. Табиғи абиоталық процестерге (мүмкін, адам әрекетімен күшейтілген) байланысты эрозияның барлық түрлерi; қалыпты эрозия.