МҰХИТ
[ араб тілі. ] зат есім. 1. Жер шарының 70% алып жатқан, құрылықты материктерге және аралдарға бөліп тұрған су қабаты. 2. географиялық. Құрлықтар арасында орналасқан, көлемі үлкен, өзіндік жеке су және атмосфералық айналымы бар, айтарлықтай гидрологиялық (гидрохимиялық, гидробиологиялық, гидрофизикалық) жағынан ерекшеленетін дүниежүзілік мұхиттың бөлігі. 3. ауыспалы мағына. Көз жеткісіз, кең байтақ, шалқып жатқан мол. Мұхит аралдары. географиялық. Мұхиттың ортасында пайда болған, материкпен байланысы жоқ жанартаулық аралдар. Мұхит геологиясы. геологиялық. Бүгінгі мұхиттар өңірінің геологиялық және осы аймақта өтіп жатқан геологиялық процестерді зерттейтін теңіздік геология бөлігі. Мұхит геохимиясы. геологиялық. Мұхиттардың химиялық эволюциясын, тұзды массасының қалыптасуын, мұхит суы мен шөгінділеріндегі элементтердің шоғырлануы мен сейілуін зерттейтін геохимияның тарауы. Мұхит жартышары. географиялық. Дүниежүзілік карта мен глобуста бейнеленген жер бетінің су басым бөлігі, құрлық мұнда небары 9% ғана. Мұхит қазаншұңқырлары. геологиялық. а) Континенттік беткеймен, жоталармен, белдермен немесе қыраттармен шектелген, мұхит табанының ірі ойпаңы. ә) Жер мегабедерінің өте ірі элементі. Мұхит кезді. Ашық мұхитта сапар шекті. Мұхит төсеніші. геологиялық. Мұхит түбінің басым бөлігін құрайтын, жер қыртысының мұхиттық түрімен сипатталатын, жербедер элементтерінің өте ірі түрлерінің бірі. Мұхит тұнбалары. геологиялық. Мұхит түбінде ғана түзілетін тұнбалар. Мұхит түбі. геологиялық. Литосфераның дүниежүзілік мұхит суымен көмкерілген беткі жазықтығы. Мұхит шөгінділері. Қазіргі мұхит түбіндегі әлі тау жынысына айнала қоймаған шөгінді және жанартаулықшөгінді құрылымдар. Мұхит шұңғымалары. географиялық. 45 мың мден астам тереңде орналасқан мұхит түбі ойпаттары.