1омоним зат есім. 1. Кең алқапты теп-тегіс аймақ. // кедір-бұдырсыз, тегіс, ойсызқырсыз. 2. географиялық. Теңіз деңгейінен есептегенде одан төмен орналасқан, биіктігі 200 метрден аспайтын құрлықтың кең алқабы. 3. геометриялық. Тегістік, геометриялық табиғи дене. Жазық бұрыш. геометриялық. Қабырғалары түзу құрайтын, яғни 180 градусқа жазылатын бұрыш. Жазық дала. Жайылған кең, тегіс, таусыз, қыратсыз жер.
2омоним зат есім. 1. Теріс қылық, айыпкіне, күне. 2. ауыспалы мағына. экспрессивті. Айыпсыз, таза, дұрыс жолда бола тұра ісін, қылығын т.б. теріс түсінгенде «бар болғаны, бар ісі» деген ренжу мағынаны білдіреді. Жазығы жоқ. Күнесіз, айыпсыз. Жазығы не [ не жазығы бар ]. экспрессивті. Әділетсіз іске, нақақтан нақақ кінелауға, жазалауға қарсы күйінішті білдіретін сөзқолданыс.
3омоним сын есім. Біртегіс, жалпақ келген, кең. Жазық ағын. су шаруашылық. Геоморфологиялық ағын. Жазық денелі кенелер. зоологиялық. Акариформ кенелер отрядының бір тұқымдасы, ауылшаруашылық дақылдарының зиянкестері. Жазық елек. ауылшаруашылық. Тор көздерінен сусымалы өнімді өлшемдері бойынша ажырататын жене бөлетін жазық бетті құрылғы. Жазық жапқыш. су шаруашылық. Көпқанатты бөгеттердің суағар бөлігіндегі су көлемін реттеуге арналған гидротехникалық кранды құрылғылар. Жазық кен қазбалары. кен ісі. Пайдалы қазылымдар ішінде немесе бос таужыныстарда жазықтық бойымен немесе көлбеу жүргізілетін қазбалар. Жазық өркеш. түйе шаруашылық. Азғындаған нарлардың сел ғана дөңестеу болып, қолымен жымдасып кететін өркештерінің түрі. Жазық сутартқы. су шаруашылық. Жерасты сулы қабатынан су алуға арналған сутартқы құрылыс. Жазық тартпалар. техникалық. Бекітілген шкивтер арқылы біліктерге айналмалы қозғалыс беретін жазық бетті, резеңкематалы, резеңкесымды таспалар. Жазық тор. геологиялық. Кристаллографияда, бірдей паралеллограмдардың төбелерінде орналасып, бір жазықтықта жатқан элементар бөлшектердің жиынтығы. Жазық тікбұрышты координат. еск. Координат білік осьтері деп аталатын екі өзара перпендикуляр сызықтардың қиылысу нүктесі. Жазық тікбұрышты координаттар жүйесі. еск. Жазықтықта нүктенің орнын анықтайтын координаттар осіне қатысты сызықтық шама. Жазық файл. информатикалық. Басқа жазбаларға тура немесе жанама сілтемелері жоқ файл.