ТҰЛА
тұла бой. Өн бой, бүкіл дене. Тұла бойы. Бүкіл дене, он екі мүшесі түгелімен. Тұла бойы алып ұшты. Қуанышқа кенелді, қатты қуанды. Тұла бойы ду еттi. Өн бойынан бірдеме жүгіріп өткендей болды, тұла бойы дыз еттi. Тұла бойы иіді. Мейірі түсті, жүйкесі босады, еміренді. Тұла бойы қалтырап кетті. а) Қатты қорықты, жаны түршікті. ә) Жаурап кетті, мұздады. Тұла бойын ерітті. Тебірентті, көңілін толқыныс күйге бөлентті. Тұла бойын жұлып жеді. Қышынды, қасынды. Тұла бойы тұңғышы. Бірінші көрген перзенті. Тұла бойы шымырлады. а) Денесі тітіркенді, түршікті. ә) Ойға түсті, ой тұңғиығына батты, шырмалды.