ФИЗИКАЛЫҚ
сын есім. Физикаға қатысты, физикаға байланысты. Физикалық антропология. Адамды көбіне биологиялық және эволюциялық көзқарас тұрғысынан зерттеумен шұғылданатын антропология саласы. Физикалық география. географиялық. Жердің географиялық қабығын зерттейтін жаратылыстану ғылымы. Физикалық географиялық белдеу. геог p. Географиялық қабықтанудың ең iрi бөліктерi. Физикалық жад. информатикалық. Компьютердің жедел және сыртқы жады. Физикалық жазба. информатикалық. Компьютердің сыртқы және ішкі жадтары арасында мәліметтер алмасу бірлігі болып саналатын ақпарат мөлшері. Физикалық желі. информатикалық. Терминалдарды компьютермен жалғастыру тәсілі [ Терминалдарды арнайы электр кабелі арқылы тікелей қосады ]. Физикалық залалсыздандыру. термин. Ультракүлгін, радиациялық, лазерлік сәулелермен, ультрадыбыспен өңдеу; қайнату, өртеу, бумен немесе ыстық ауамен өңдеу т.б. Физикалық идеализм. философиялық. Физика ғылымдарының жетістіктерін субъективтікидеалистік тұрғыдан бағалайтын философиялық ағым. Физикалық интерфейс. информатикалық. Әртүрлі құрылғыларды байланыстыратын электрондық құралдар деңгейін анықтайтын интерфейс. Физикалық кинетика. физикалық. Молекулалықкинетикалық теория негізінде заттағы тепетеңдіктегі емес процестер қарастырылатын статистиканың физикалық бөлімі. Физикалық құрылғы. информатикалық. Белгілі бір қызметті орындайтын техникалық құрал. Физикалық өріс. физикалық. Материяның ерекше түрі; еркіндік дәрежесінің саны шексіз көп физикалық жүйе. Физикалық тұрақтылар. физикалық. Физикалық константалар – физикалық заңдар теңдеулерінің құрамына енетін және кейбір жағдайда физикалық процестер мен шағын нысандардың (микрообъектілердің) масштабтық сипаттамалары болатын сандық коэффициенттер. Физикалық үгілу. Ауа температурасының күрт өзгеруі мен ылғалдың араласуынан таужыныстардың шытынап жарылып, ұсақ кесектерге бөлінуі. Физикалық химия. химиялық. Физиканың жалпы ұстанымдарына сүйене отырып, химиялық құбылыстарды түсіндіретін және олардың заңдылықтарын анықтайтын ғылым.