БӨГЕТ
1омоним зат есім. 1. Жүруге, өтуге тосқауыл болатын кедергi. 2. Өзен суын бөгеу үшін жасалған гидротехникалық құрылыс; тосқауыл, бөгеу. 3. су шаруашылық. Бөгеу арқылы тоқтатылған су қоры. 4. ә с к. Қарсыласты шығынға ұшырату, қозғалысын тежеп тұру мақсатында оның жүру жолында жасалған жасанды кедергілер. 5. ауыспалы мағына. Кедергi, тосқауыл. Бөгет аэростаты. әскери сөз. Байлаулы аэростат. Бөгет болды. Кедергi келтірдi. Бөгет болу. Кедергi келтіру, тосқауыл болу. Бөгет еттi [ қылды ]. Кедергi жасады, зиянын тигіздi. Бөгет жасады [ келтірдi ]. Кедергi келтірдi; кесірi тидi. Бөгет жасау торабы. ә с к. Жолдарды, көпірлердi т.б. қирату миналау, бөгет жасау үшін тағайындалған бөлімше немесе уақытша құрылым. Бөгет жолағы. әскери сөз. Қарсыласты титықтату, оны оны шығынға ұшырату, оның жылжуын бәсеңдету мақсатында бөгеттер қойылған жергіліктi жердегi жолақ. Бөгетке ұшырады. Кедергіге жолықты. Бөгеттер жиілігi. ә с к. Жалпы бөгеттер ұзындығының (км бойынша) тасаланатын бағыттағы (алқаптағы, шептегi) майдан шебінің еніне қатысты. Бөгеттердегi өтпелер. ә с к. Түрлi ұрыс қимылдары кезінде міндеттерін орындауға өткізу үшін бөгеттерде арнайы бос қалдырылатын жергіліктi жер (су кеңістігi) жолағы. Бөгеттердi аршу жасағы. ә с к. Жер гіліктi жерлердi миналардан, жарылмаған снарядтардан, авиациялық бомбалардан, фугастардан тазарту үшін құрылатын арнайы әскери құрылым. Бөгеттердi барлау. әскери сөз. Қарсыластың кедергілерi туралы мәліметтер жинау мақсатында жүргізілетін инженерлік барлау. Бөгеттер жиілігi. әскери сөз. Жалпы бөгеттер ұзындығының (км бойынша) тасаланатын бағыттағы (алқаптағы, шептегi) майдан шебінің еніне қатысы. Бөгеттер жүйесi. ә с к. Қарсыласты шығынға ұшырату, алға жылжуын кідірту, маневрін қиындату мақсатында қорғаныста бірыңғай жоспар бойынша құрылатын әртүрлi бөгеттер жиыны. Бөгет торабы. ә с к. Қарсылас қозғалысының ықтимал деген жолына жасалатын әртүрлi инженерлік бөгеттердің жиынтығы.