ЖЫЛУ
1омоним зат есім. 1. Күннен, оттан бөлінетін қызу. 2. Адам денесінде, киімде, топырақта сақталатын жылылық. 3. физикалық. Денені құрайтын бөлшектердің (молекулалардың, атомдардың, электрондардың, фотондардың т.б.) бейберекет (тәртіпсіз) қозғалысының бір түрі. 4. Жылылық. 5. ауыспалы мағына. Мейірімділік, қайырымдылық, жылылық. 6. ауыспалы мағына. Рақат. 7. ауыспалы мағына. Қызу, жалын. 8. ауыспалы мағына. Әдемі, қымбат шақ. 9. ауыспалы мағына. Жақсылық, шарапат. 10. ауыспалы мағына. Пана, саялайтын жер. Жылу ағымы. геологиялық. Қандай да бір изотермиялық бет арқылы уақыт бірлігінде өтетін жылу мөлшері. Жылу алды. Қуат, күш алды. Жылу алмасу. ф и з. а) Жылудың қызуы мол денеден қызуы кем денеге таралу процесі. ә) Жылу тасымалдаудың температуралық градиенті салдарынан өздігінен жүретін қайтымсыз процесс. Жылу алмасу коэффициенті. кен ісі. Жылу алмасу қарқындылығын сипаттайтын шама. Жылу барды. Жылылық, жақсылық, жалын сезілді. Жылу берді. а) Жылытты, қыз-қыз қайнатты. ә) күш-қуат берді, қайраттандырды. б) Еңбектенді, күшқуатын жұмсады. Жылу беру. ф и з. Қатты дене беті және онымен жанасатын орта – жылу тасығыш (сұйықтық, газ) арасындағы жылу алмасу. Жылу беру коэффициенті. кен ісі. Жылу беру қарқындылығын сипаттайтын шама. Жылуды реттеу. биологиялық. . Қоршаған орта температурасының ауытқуына қарамастан, адам, сүтқоректілер және құстардың дене температурасын тұрақты деңгейде сақтау қабілеті. Жылудың механикалық эквиваленті. ф и з. Жылу мөлшерінің бірлігіне (калорияға немесе килокалорияға) эквивалентті жұмыс мөлшері. Жылу енді. Жылынды, жылу алды. Жылу жүйесі. Бір орталықтан жылумен жабдықтауда жылу тасығыш заттарды (ыстық су мен бу) тұтынушыларға жеткізіп беретін құбырлар желісі. Жылу мәшинесі. Жылудың жұмысқа не жұмыстың жылуға айналуы іске асырылатын мәшине (жылулық қозғалтқыш, жылулық сорғы т.б.). Жылу көздері. ф и з. Жылу энергиясын беретін орын. Жылумен қамтамасыз ету. Тұрғын үйлерді, қоғамдық және өндірістік ғимараттар мен құрылыстарды, сондай-ақ, тұтынушыларды жылу тасығыштар (ыстық су немесе бу) арқылы жылумен қамтамасыз ету. Жылу қашты. Бойы жылынбады. Жылу қорғағыш шыны. химиялық. Толқын ұзындығы 0,7 мкм инфрақызыл сәуледен қорғайтын шыны. Жылу құйды. Әсерлендірді, үміттендірді, жақсылыққа жетеледі. Жылу өткізбейтін материалдар. ф и з. Жылу өткізгіштігі төмен материалдар. Жылу өткізгіштік коэффиценті. физикалық. Жылу ағынының және заттағы оны тудыратын температура градиенті арасындағы пропорционалдық коэффициент. Жылу сүйгіш бактериялар. зоологиялық. Тіршілік етуі үшін жоғары температураны (40отан 80оқа дейін) қажет ететін бактериялар. Жылу сыйымдылығы. ф и з. Дененің температурасын 1 градусқа (1оСға не 1 Кге) арттыруға жұмсалатын жылу мөлшері. Жылу теңдестігі. су шаруашылық. Тұйық жүйедегі энергияның бір күйден екінші күйге өту мүмкіндігін есепке ала отырып, жылу энергиясының сақталу заңдылығын сипаттау. Жылу техникасы. ф и з. Жылу энергиясын алу мен оны пайдалану әдістерін қамтитын ғылым мен техника саласы. Жылу торабы. техникалық. Орталықтандырылған жылумен қамтамасыз ету жүйесінің жылу тасымалдағышпен (ыстық сумен не бумен) жылу көзінен тұтынушыларға жылу жеткізіп беретін, жылылық сақтайтын оқшауламамен қапталған құбырлар жүйесі. Жылу энергетикасы. ф и з. Жылудың энергияның басқа түрлеріне (механикалық, электрлік, гидравликалық т.б.) түрленуін зерттейтін жылу техникасының саласы. Жылу электр орталығы. су шаруашылық. Қалалық ірі зауыт немесе кәсіпорындар тобына қызмет көрсететін және осы тұтынушыларды электр энергиясымен, бумен және ыстық сумен қамтамасыз ететін электр стансысы. Жылу электр стансысы. Органикалық отынды жағу кезінде бөлініп шығатын жылу энергиясын түрлендіру нәтижесінде электр энергиясын өндіретін электр стансысы.