ЖАСЫЛ
1омоним сын есім. 1. Жапырақтың, жас шөптің түсіндей, көк. 2. Қурамаған, сарғаймаған, көк, балауса (шөп, өсімдік). Жасыл ала. Ақ, қара немесе басқа түстермен жасыл араласқан түс түрi. Жасыл алабота. өсімдік. Сабағының биіктігі 1 метрге жететін бұтақты, жас бұтақтарының сырты бозғылт түсті өсімдік. Жасыл балдырлар. ботаникалық. Төменгі сатыдағы өсімдіктер бөлімі; бір клеткалы, көп клеткалы, қауымды, шоғырлы балдырлар. Жасыл бәсір. Балықтың бір түрі. Жасыл [ жас ] бұтақ. Ағаштың жаңа өнген, әлi қатаймаған бұтағы. Жасыл бүлдірген. өсімдік. < латын тілі. frаgаrіa vіrіdіs>. Таулы аудандарда, өзен жағалауында өсетін көпжылдық шөптесін жидектi өсімдік. Жасыл дақылдар. ботаникалық. Жапырағы, жапырақ сағағы және сабақтары тағамға пайдаланылатын өсімдіктер. Жасыл дала. Жасыл шөп, өсімдік мол өскен жазғы дала. Жасыл ерінкер. Су жәндігі. Жасыл жәшік. тарихи. Зеңбіректің халық аузындағы аты. Жасыл желек. Жапырақ жайып жайқалып, көктеп тұрған өсімдік. Жасыл жидек. өсімдік. Биіктігі 25 см дейін жететін шөпсабақтас, көген тамырлы көпжылдық өсімдік. Жасыл жібек. поэт, өсімдік жамылғысы, жасыл желең. Жасыл көше. Поездің жүре беруіне рұқсат етілген ашық жол. Жасыл кілем. бейнелі сөзқолданыс. Көк майса, көгалды жер. Жасыл қампайма. Денесі 1215 см, оңтүстік-шығыс Азияның тұщы және тұздылау суларында тіршілікететін балық. Жасыл қосақ. қолөнер. Кілем өрнегінің бір түрі. Жасыл құрт. Бақтағы зиянды жәндік. Жасыл орман. Меңгі көгеріп тұратын, қарағайлы орман. Жасыл сасықшөп. өсімдік. Кішірек қызғылт гүлі бар, еріндігүлділер тұқымдасына жататын екі не көпжылдық шөптесін өсімдіктердің түрі. Жасыл тыңайтқыштар. биологиялық. Көбінесе бұршақтар тұқымдасына жататын өсімдіктердің жерді жыртып, араластырып сіңірілетін жасыл массасы. Жасыл цикад. Зиянды жәндіктердің бір түрі.