ТАЛ
1омоним зат есім. 1. Майысқақ бұтақты, жіңішке жапырақты ағаш, бұта. 2. ботаникалық. Талдар тұқымдасына жататын ағаш, бұта, бұташық өсімдіктер туысы. Тал бесік. Талдан иіп жасалған бесік. Тал бойы. Бүкіл денесі, тұла бойы. Тал бойына жарасты. Бойына шақ келді, жараса кетті. Тал бойында тарыдай бір мінi жоқ. Мiнсіз, дара туған. Тал бойында кіршік жоқ. Мiнсіз, таза. Тал жібектей оралды. бейнелі сөзқолданыс. Еркеледі, назданды. Тал қалқан. Қалқанның бір түрі. Тал қоя. Ұзындығы бір тұтам, жуандығы бас бармақтай, сырты ақ шүберекпен орап тігілген, талдан жасалған қоя. Тал тұқымдасы. ботаникалық. Қос жарнақты өсімдіктер, ағаштар, бұта, бұташық. Тал [ талма, тапатал ] түс. Күннің тас төбеге келіп, қатты ысыған кезі. Тал шыбықтай. Өрімдей, жас; сымбатты. Тал шыбықтай бұралды. поэтикалық. Нәзік, сұлу мағынасында. Тал шыбықтай бұралған. Нәзік, үзіліп тұрған, талдырмаш.