ЖІҢІШКЕ
сын есім. 1. Енсіз, сидам. 2. Жіп, арқан, қайыс сияқты байлауға арналған заттардың ұзын келетін қасиеті, сипаты; жуан емес. 3. Адамның, малдың, құс сүйектерінің жұқа, салалы сипаты. 4. Өсімдік сабағына, талтерек, ағаштың бұтақтарына тән сипат. 5. Жылқының жалы мен құйрығына, ешкі малының жүніне қатысты сипат. 6. Қалың емес, жіптіктей. 7. Нәзік, бәсең, әлжуаз. 8. Нәзік, талдырмаш, сұңғақ бойлы әйел затына, оның кескінкелбетіне тән сипат. 9. Құрт, жылан сияқты бауырымен жорғалаушылардың дене тұрқының сипаты. 10. ауыспалы мағына. Әлсіздеу, саны аз, жарлы, кедей. Жiңішке ауру. сөйлеу. э в ф. а) Адамның несептік жыныс мүшелерінен iрің ағып ауыратын жұқпалы ауру; соз. ә) Өкпе ауруы, туберкулез. Жіңішке бауырсақ. тамақ өнеркəсібі. Сүтке, сорпаға жұмыртқа қосып иленген қамырды ашытпай, жіңішке есіп, ұсақтап кесіп, майға жүздіріп пісірген бауырсақ. Жiңішке буын. лингвистикалық. Құрамындағы дауысты дыбыс жіңішке болып келген буын. Жiңішке дауысты. Нәзік, әлсіз үн. Жiңішке дауыстылар. лингвистикалық. Тiлдің таңдайдың алғы шеніне қарай жуықтауынан пайда болатын дыбыстар. Жіңішке еріндік дыбыстар. лингвистикалық. Тілдің жоғары қалпымен ерін қатысуымен жасалатын сөз құраушы дауысты дыбыстар. Жіңішке жапырақты зиягүл. өсімдік. Биіктігі 40100 см. келетін, жатаған тамырлы болатын, зиягүлдің ең жиі кездесетін түрі.