ТАУ
1омоним зат есім. географиялық. Жер бетінен жоғары, көтеріңкі өркештене тізбектеліп, созылып жатқан құзды, құзартты биіктік. Тау ауруы. медициналық. Теңіз деңгейінен 4000-6000 м биіктікке көтерілгенде, ауа қысымы төмендеп, оттегінің жетіспеуінен тыныс, қан айналу, орталық жүйке жүйесi қызметінің бұзылуы түрінде пайда болатын ауру. Тау баласы. Таулы жерде өскен бала, кісi. Тау бүркітi. Таулы жерде мекендейтін бүркіт. Тауда жүріп, таста өскен. Елжұртынан бөлек жүріп, ауыр өмір кешкен. Таудан аққан бұлақтай. а) Сарқыраған, күркіреген. ә) Қарқынды, қайратты. Таудан аққан селмен бірдей. поэтикалық. Көзді ашыпжұмғанша өте шығатын. Таудан түсті. Төменге, етекке көшті. Таудың басын қар алды. поэтикалық. Күн жылына бастаса да жауған қар тау шыңдарында ерімей қалды, күннің ызғарын сездірді деген мағынада. Тау зебрі. зоологиялық. Тауды мекендейтін зебр түрі. Тау күйіп, тас жанды. Қиыншылықтарды бастан өткерді, ауыртпашылықтарға кезікті. Тау санады. Пана тұтты. Тау суындай екпінді. бейнелі сөзқолданыс. Қарқыны, қуаты күшті, асау. Тау тізбегі. географиялық. Тізбектеле орналасқан тау жоталары.