WONDER WORDS · Казахский язык

кез

Значение слова

КЕЗ

1омоним зат есім. Мезгіл, мерзім, уақыт, шақ. Кез ашылар бар ма? Құтылатын күн бола ма, қашан құтылады. Кез [ кезі ] болды. а) Уақыт келді, мезгіл жетті. ә) Тап болды, кездесті, кезікті, жолықты. Кез етті. Кез қылды, кездестірді. Кез жетті. Уақыт болды. Кез келген. а) Кім болса сол, кім көрінген; әрбір. ә) Қай, қайсы. Кез келді. а) Уақыт келді, мезгіл жетті. ә) Кезікті, кездесті. б) Жолықты, тап болды, душарласты. Кезі келді [ келгенде ]. а) Мезгілі келді, уақыты туды. ә) Ыңғайы (реті, орайы) келді, сәті түсті, жөні болды. Кез келтірді. Кездестірді, ұшырастырды. Кез қылды. Кездестірді, жолықтырды, тап қылды. Кезі келді. Сәті түсті, реті болды. Кезі [ уақыты, мезгілі ] жетті. Уақыты келді, мезгілі болды. Кезін берді. Сәтін түсірді, орайын келтірді.

КЕЗ

2омоним зат есім. 1. көнерген сөз. Шамамен 70 – 80 смге (дәлірек айтқанда 71, 12 смге) тең ұзындық өлшемі; аршын. 2. сөйлеу. Метр. 3. Ұзындығы бір метрге тең ағаштан жасалған өлшемдік құрал.

КЕЗ

3омоним зат есім. көнерген сөз. 1. Садақ оғының ойыс (ашаланып) келген түбі, серіппеге ілінер жері. 2. Түйенің екі өркешінің аралығындағы ойыс жер. Кез қоспақ. жергілікті сөз. Екі өркешінің арасында болар-болмас айырылысқан жігі бар нар мен айыр түйеден туған будан. Кез өркеш. жергілікті сөз. Өркешінің алдыңғы жағында шамалы кертпеші болатын, бура мен аруанадан туған нардың жақсы түрі.