ТАЗА
1омоним сын есім. 1. Лас емес, кірсіз. 2. Мүлтіксіз, тап-тұйнақтай, мұнтаздай. 3. Қоспасыз, табиғи, жасанды емес. // қоспасөз, табиғи түрі. 4. ауыспалы мағына. Сау, ауру емес, дұрыс дамыған. 5. ауыспалы мағына. Кіршіксіз, пәк. 6. ауыспалы мағына. Адал, арам емес. 7. ауыспалы мағына. Дұрыс, жөн. 8. ауыспалы мағына. Нағыз, дәл, тура. Таза айналыс шығындары. экономикалық. Тауарды сатып алушыға және сатушыға тікелей байланысты шығындар. Таза активтердің құны. экономикалық. Инвестициялық қор активтері құнының осы қордың міндеттемелерінен асып түсуі. Таза алтын. 24 караттық алтын. Таза арулады [ арулап көмді, қойды ]. Сүйегін (марқұмның денесін) құрметтеп жерледі. Таза ауа. Денсаулыққа пайдалы, тыныстауға қажеттi саф ауа. Таза бәсеке. экономикалық. Көптеген ұсақ сатып алушылар мен сатушылардың бәсекелестігі. Таза жүрек [ көңіл ]. Адал, ақ ниет. Таза жүру. Ешкімге жамандық жасамай, қаралық істемей, әділ сөйлеп, өсека-яңда шаруасы болмай өмір сүру. Таза ислам. Құран мен Мұхаммед пайғамбар хадистерін ұстанатын дәстүрлі мұсылман діні. Таза қанды. Будандастырылмаған, қаны араласпаған. Таза қанды жылқы тұқымы. Басқа жылқы тұқымдарының қанын араластырмай, өте ұзақ уақыт бойы (10 ұрпақтан жоғары) іріктеу, жұптау және жас малдарды арнайы бағытта баптау барысында алынған жылқы тұқымы. Таза масса. Оралған, қапталған өнімнің таза салмағы. Таза металдар. кен ісі. Қоспалар мөлшері аз металдар не қорытпалар. Таза монополия. экономикалық. Нақты тауар рыногындағы бір ғана сатушы әрекет ететін жағдай. Таза өнім. экономикалық. Кәсіпорын (фирма) ұжымы жаңадан жасаған құнды көрсететін құндық көрсеткіш; тұтынылмаған өндіріс құралжабдығының жалпы өнімі (оның бір бөлігі). Таза пайда. экономикалық. Кәсіпорында (фирмада) cалықтаp мен басқа да төлемдерді төлегеннен кейін қалатын пайда. Таза пар. егіншар. Топырақты ауылшаруашылық өсімдіктерін (көбіне күздік дақылдарды) егуге дайындау әдісі. Таза себінділер. биологиялық. Жасанды оғар қосылған қоректік ортада бактерияларды, балдырлар мен саңырауқұлақтарды бір жасушасын егу арқылы көбейтіп өсіру әдісі. Таза су. экологиялық. Құрамында лас заттектері жоқ су. Таза табыс. экономикалық. Жалпы табыс пен төленген салықтарды қосқанда өндіріске жұмсалған шығындардың арасындағы айырма, яғни субъект есепті кезеңде алған қалдық нәтиже. Таза ұлттық өнім. экономикалық. Өндірілген өнімнің өнім шығару барысында тозған өндіріс құралжабдығын ауыстыру (амортизация) үшін қажет бөлігін шегеріп тастағандағы жалпы ұлттық өнім. Таза ұсталу. Үнемі жуылыпшайылып, тазартылып отыру. Таза шарап. тамақ өнеркəсібі. Табиғи жолмен алынған, қоспасыз шарап.