ШЕШЕНДІК
зат есім. Сөзге жүйріктік, шебер сөйлеушілік. Шешендік өнертану. Софистикалық бағыттағы далалық риторика. Шешендік сөз. а) әдеб. Қазақ ауыз әдебиетіндегі көркем, әрі шағын дидактикалық жанр; ғибраттылық мәні, өнегелі ойтұжырымы бар, айрынша тапқырлық танытатын нақыл сөз. ә) лингвистикалық. Қазіргі кездегі шешендік сөз талабына сай келетін саяси-әлеуметтік тақырыптағы баяндамалар, митинг, конференция, форумдарда айтылатын сөздер, радио, теледидарда ауызша жүргізілетін саяси-әлеуметтік шолулар, сот ісінде, діни қызметте айтылатын, күнделікті әлеумет өмірінде салтанатты, болмаса қаралы жиындарда, мерейтойларда т.б. айтылатын сөз үлгілері.