WONDER WORDS · Казахский язык

түс

Значение слова

ТҮС

1омоним зат есім. Қиял процесінің ұйқы кезіндегі енжар бейнесі, ұйқы кезінде көрінетін елес. Түс жорыды. Көрген түске болжам айтты. Түс жорытты. Көрген түсін біреуге, көріпкел кісіге айтып, болжатты. Түске енді. Белгілі бір түрге ие болды, басқаша бояу алды. Түске кірді. а) Арман болып қалды. ә) Түсінде көрді. Түс көргендей болмады. Тез, әп-сәтте өтті. Түс көрді. Ұйқыға жатып елес көрді. Түс секілді. қимас нәрсе, арман нәрсе қас пен көздің арасынша, қас қағым сәтте өтті де кетті. Түсте көргендей. қимас, бағалы, құнды сезімнің қас қағым сәт, тез өтуі туралы. Түстен кетпейді [ шықпады ]. Үнемі түсінде көреді. Түсінде де көрмейтін. Өңі тұрмақ, қиялында да елестете алмайтын. Түсіне енбестей. Ойға келмейтіндей, шындыққа жанаспайтындай, ақылға сыймайтындай. Түсіне енді. а) Түсінде көрді, түсіне кірді. ә) Әсері қатты болды, есінен шықпады.

ТҮС

2омоним зат есім. 1. Адамның кескінкелбеті, бетәлпеті, түрі. 2. этнографиялық. Төрт түлік малдың бірі. Түс айырысты. Түс шайысты, ренжістi. Түс ауды. Түс мезгілi өттi. Түс ат. жергілікті сөз. этнографиялық. Қалыңмалдың сыртында құдаға берілетін қалаулы ат. Түс атқа ең аяулы жорға, жүйрігін таңдап алады. Түс жарды. Түс ашпады. Ішкi сырын сыртқа білдірмедi. Көңілденді, қабағы ашылды, жадырады. Түс жыртысты [ шайысты ]. Қабақ шытысып, айтысып қалды, бір-бірімен ұрысты. Түс құбылтты. Түсін өзгертті, басқа түрге енді. Түс тоқтатып қарады. Анықтап қарады, бетжүзін барлады. Түс түйе [ айыр, нар ]. жергілікті сөз. Нар мен аруананың арасынан шыққан асыл түйе. Түс шайысты. Ренжісті, ұрысты. Түсі бұзылды. Өңі қабарды, естіген сөзді, көрген істі ұнатпады. Түсі жақсы. Өңі жылы. Түсі жылы [ игі ]. Жүзі жарқын, қайырымды, мейірімді. Түсі жібіді. Ашуы қайтты. Түсі жібімеді. Мейірі түспеді, жылы жүз білдірмеді. Түсі игіден [ жақсыдан ] түңілме. Жүзі жылы, келбетті кісіден жаманшылық шықпайды деген мағынада. Түсі кетті [ түсін алды, алдырды ]. Өңі, реңі қуарды, бұзылды. Түсі кірді. Бетіне қан жүгірді, өңі кірді; көңілденді. Түсі қашты. Түрі бұзылды, өңі қашты. Түсі құбылды. Қорыққаннан не қуанғаннан бет әлпеті күреңітті. Түсін алдырмады [ ашпады, көрсетпеді ]. Сыр білдірмеді, ештеңе сезбегендей кейіп көрсетті. Түсін биледі. Сыр бермеді. Түсін бояп көрсетті. Өңін айналдырды, басқаша етіп көрсетті. Түсін бұзды [ суытты ]. Қабақ шытты, ашу шақырды, ызбарланды. Түсінен қорықты. Ұрысқа шықпайақ, бетпе-бет келмейақ, қарап жатып қорықты, айбынынан сескенді. Түсін жылытты. Күлімсіреді, ашуынан қайтты. Түсін солғындатты. Сапасын төмендетті. Түсі суық. Ызғарлы, айбынды. Түсіне де кіріп шықпады. Ойына да келмеді.

ТҮС

3омоним зат есім. Күннің қақ төбеге келетін, күн ыстығы артатын кезі, түс мезгілі. Түс әлеті. Түс мезгілі. Түс қайта. Түс ауа, күннің ыстығы ауғанда. Түс қия. жергілікті сөз. Түс ауып кеткен уақыт. Түс қыңа. Түс ауа, түс қайта. Түстен кейін. Түс ауа, ыстық қайта.

ТҮС

4омоним зат есім. 1. Жеті спектрден – қызыл, көк, жасыл, сары, қара, қоңыр, ақбояудан тұратын заттың түсі, бояуы. 2. термин. Спектрдің көрінетін бөлігіне сай келетін электромагниттік сәулеленудің спектрлік құрамына және оның шағылысу қарқындылығына сәйкес көру сезімінде әсер тудыратын денелердің қасиеттері. Түс даралау. Фото немесе кино түсіру ісінде нысаннан шығатын немесе шағылатын күрделі спектрлік құрамның бірнеше спектрлік диапазондарға жіктелу процесі. Түстер палитрасы. информатикалық. Дисплей экранындағы кескіндерді бейнелеуге мүмкіндік беретін түстердің жалпы саны, графикалық редакторлардағы сурет салу аспаптарына қажетті түстерді таңдау мүмкіндігі.