ЕНЖАР
сын есім. 1. Ықылассыз, ниетсіз, ынтасыз, салғырт (қатынас). 2. Селқос, сүлесоқ, делсал (күй). // Ниетсіз, ынтасыз адам. Енжар иммунитет. медициналық. Ағзаға бөгде денелер еккеннен кейін пайда болып, ұзақ мерзімге дейін сақталмайтын ағзаның жүре пайда болған қорғаныштық қасиеті. Енжар иммунитеттеу. медициналық. Қанға не қан сарысуына қосылған арнайы препараттарды тері астына, ет астына не көктамырға егу арқылы ағзада жасанды иммунитет туғызу. Енжар көңіл. Ықылассыз, ынтасыз, амалсыз пейіл, ниет. Енжар қалдырмады. Бейтарап қалдырмады, ойландырды, көңіл бөлді. Енжар қарады. Қалай болса солай істеді, ниетсіз болды. Енжар қарау. Салғырттық көрсету, қалай болса, солай істеу, ниетсіз болу. Енжар қорғаныс. еск. Нысаналарға қарай ұшқан зымырандарды ұстау жөніндегі “белсенді” шаралардан азаматтық жене ескери нысаналарды сол нысаналардың өздерін өзгерту арқылы ерекшеленетін қорғаудың түрі. Енжар радиолокация. еск. Нысананың өзінен тікелей шығатын жене оған сыртқы кеңістіктен жене басқа көздерден түсетін энергияда бейнелейтін, жиілігі өте жоғары электрмагнитті қабылдау негізінде нысананың орнын табу жене анықтау едісі.