ТУРА
1омоним сын есім. 1. Ешбір ауытқусыз, түзу, бұрылмастан, тіке. 2. Дәл, нақ. 3. ауыспалы мағына. Қара қылды қақ жарған әділ, дұрыс, ақ. Тура ату. әскери сөз. Снаряд, оқ траекториясы белгіленген нысана биіктігінен көтерілмейтін атыс қаруынан ату. Тура ату қашықтығы. әскери сөз. Снарядтың (оқтың) траекториясы нысананың берілген биіктігінен аспайтын ең үлкен атыс қашықтығы. Тура дәлдеу. әскери сөз. Панораманың оптикалық осін (қиыстыруды) нысанамен тікелей үйлестіру арқылы зеңбіректі дәлдеу. Тура жол. Дұрыс бағыт-бағдар. Тура жолға салды. Дұрыс бағыт сілтеді, жол көрсетті. Тура жолдан жаздырды. Теріс қылық әрекетке итермеледі, адал, оң, дұрыс ісінен жаңылдырды, адастырды. Тура келді. а) Тікелей кезікті, дөп түсті. ә) Мәжбүр болды, амалы қалмады. б) Айтқаны болды, расқа шықты. Тура салықтар. экономикалық. Салық төлеушінің кірістері мен мүлкінен тікелей алынатын салықтар. Турасын айтты [ сөйледі ]. Шынын, анығын баяндады. Тура тартты. Төтесінен салды, тіке, жол қысқарта жүрді. Тура толықтауыш. лингвистикалық. Табыс септеуінде жұмсалатын сөйлем мүшесі. Тура түскен. Тұп-тура, түзу. Тура тілді. Шын, әділ сөйлейтін. Тура шығару. информатикалық. а) Деректерді аралық жазусыз магниттік таспаға шығару. ә) Сараптық жүйеде – жіберуден қорытындыға бағытталған білімдер базасының ережелерін өңдеуге негізделген айнымалының мәнін анықтау әдісі.