НАР
1омоним зат есім. зоологиялық. 1. Жалғыз өркешті, асыл тұқымды ірі түйе. 2. ауыспалы мағына. Үлкен, мықты, үздік, ерекше тұлға. // Мықты, алып, ірі. 3. этнографиялық. Барлықтың, байлықтың, жиналған дәулеттің басы болып табылатын төрт түлік малдың асылы, киелісі. 4. этнографиялық. Сыйлы, қадірлі, ардақты қонағы, ағайын, құрдасын құрметтеуде тартылатын сыйсияпат, жоралғы. Нар атандай [ нар еді, нарға жүгін салғысыз ]. Өте күшті, өте ірі, қайратты деген мағынада. Нар байлаған. Түйелі, дәулетті, берекелі ауылдың келбеті. Нар болат. Ірі, ауыр, болат найза. Нар бота. Бура мен аруанадан туылса да, нарға тартқан бота. Нар бөрік. Төбесін нардың өркешi тәріздi етіп шошайта тіккен бөрік. Нар бурадай. Буырқанған, бусанған, тулаған алып күштің иесі, бура сияқты. Нар бурадай шабынды. Қатты айбат көрсетті; ашумен шиыршық атты. Нар бураның санындай. фольклор. Үлкен, еттi. Нар денелi. Зор, еңгезердей. Нардың жүгін көтерді. Бар ауыртпалықты мойнына алды. Нарды шапса, бүлк еткен. Өткір қылыш сыны. Нар жайлау. Қан жайлау, жайлауда болатын мерзімнің нағыз, орта, қызған шағы. Нар жігіт. Басына түскен қиындыққа мойымай, ел басқарып, көш бастауға даяр тұратын, басын бәйгеге (қауіпқатерге) тігетін, ауыр азапты көтеруге тәуекел ететін мықты жігіт. Нар келі. Ішіне 45 шелекке дейін дән құюға болатын үлкен келі. Нар киік. поэтикалық. Үлкен, кедергісі көп, қол жеткізбейтін арман. Нар көңіл. Көңілі кең, жомарт. Нар көтерер жүк. Адам айтқысыз ауыр, салмақты зат есім. Нар кілем. Үлкен кілем. Нар қақпалы. Биік қақпалы. Нар қамыс. Биік, ұзын, жуан біткен ну қамыс. Нар қасқа. Тұлпар, асыл тұқымды жылқы. Нар ноқта. Әдейілеп тоқып жасаған түйе ноқтасы. Нар тайлақ. Көбіне жалғыз өркеш боп туған, 1–2 жас аралығындағы будан боталардың жалпы атауы. Нар тәуекел. Жағдайдың қиын екенін біле тұра, барлық қиыншылықты сезе отырып, батылдықпен бел шешіп кіріскендік. Нар тәуекелге бел байлады. Қиыншылықты сезе тұра бір іске көз жұмып кірісіп кетті. Нар текті. Ірі, алып тұлғалы; қадірлі. Нар түйе. зоологиялық. Арқасында бір үлкен өскіні болатын, күйіс қайтаратын жұптұяқты ірі мал түрі, нар. Нар түйедей көтерді. Ауыртпалыққа шыдады. Нар шөккен орындар. бейнелі сөзқолданыс. Киелі, берекелі, дәулетті қоныс. Нар шөкті. Тұрақтап қалды.