КӨРУ
Көр етістігінің қимыл атауы. 1. Қарау, көз тігу. 2. ауыспалы мағына. Қызықтау, қасында болу. 3. ауыспалы мағына. Кездесу, жолығу. Көру жітілігі. Мүмкіндігінше жақын, бірақ бөлек орналасқан нәрселерді анық көру қабілеті. Көру мүшелері. анатомиялық. Жанжануаралардың, адамдардың жарық әсерін қабылдайтын органы. Көру өрісі. техникалық. Оптикалық аспаптардың кеңістікті қамту шеңбері. Көру сезімдері. анатомиялық. Айналасындағы заттардың пішінін, көлемін, түсін сол қалпында санада бейнелеуге мүмкіндік беретін сезім мүшелері. Көру шебі. әскери сөз. Ұшу аппараттарының айқындалған және кімдікі екені анықталған кездегі олар тұрған әуе кеңістігіндегі жазықтық.